Read Sidama_Qullaawa _Maxaafa FAARSO 39 Bible Online

FAARSO 39 - Sidama_Qullaawa _Maxaafa bible

FAARSO 39

¹FAARSAANOTE ROORRICHIRA EDOOTAAMITA DAAWITI FAARSO «Asseemmore baala qorophotenni asseemmo; arrawi'yanni sao dicoyi'reemmo; bushu manni noowa mittoreno dicoyi'reemmo» yee hedoommo.

²Danqichu gede sammi yoommo; dancha coye nafa coyi'ra aguroommo; qarri'ya kayinni lede bati'ri.

³Wodani'ya fooggalie; yaaddotenni kainohunni giddo giira bubbue; anino sammi yaa didandoommo.

⁴Kaaliiqa ballo, mamoote reemmoro egensiisie; diri'ya mageeshsha ikkannoro, mageeshshi geeshsha hara'mannoro kulie.

⁵Kuneeti diro'ya haransootto; ate kiirora, hee'reemmo yanna dinoote. Lubbote noo manni baalu diilallote gede ikke sa"annoho.

⁶Beebballa daafurannota ikkinnina, mannu caalimma sa"annoho; duunannota ikkinnina ayi gudhannoro diafino.

⁷Mooticha'ya, ate agurranna, ani wole dihexxeemmo.

⁸Cubbi'ya baalunkunni gatisie; gowwootu oso'litannoe gede assitootie.

⁹Konne baala assoottohu ateetina, afoo'ya beeshshi're sammi yeemmo.

¹⁰Lowo geeshsha ganoottoe daafira, daafuroommona, kunni ka'a ledde qorichishshootie.

¹¹Manna cubbisi daafira yite rufatto; banxannire baala huqu qasanno gede assatto; mannu baalu diilallote gedeeho.

¹²Kaaliiqa'ya ballo, huuccatto'ya macciishshi; raare'ya hidhi; wi'la'ya lashshi assite la'ooti; ani tenne gobbaha di"ikkoommo; annuwa'ya gede anino shiima yanna wosinchooti.

¹³Higeemmokkiwa ha'rammo geeshsha, hagiidheemmona hanqitootie.