Read Sidama_Qullaawa _Maxaafa FAARSO 48 Bible Online

FAARSO 48 - Sidama_Qullaawa _Maxaafa bible

FAARSO 48

¹QORE OOSO FAARSO Kaaliiqi lowoho; Maganinke qullaawu ilaalira noohura katamisira lowo geeshsha galataminoho.

²Tsiyooni ilaalira noohu Maganu katami leelladohonna xumaho; kuni jawa moote katami baatto baalate hagiirre aannoho.

³Kunni katami giddo Maganu ledosi hee'niro, jawaata qiisho ikkinota egensiisanno.

⁴Kuneeti mootoolla gamba yite, Tsiyooni gawajjitara daggu yannara,

⁵konne katama la'e maala'lite, waajjite xooqqu.

⁶Ilate game amaddino mancho gede, yaaddonna waajjillu amadinsa.

⁷Wolqaataame soojjaati bubbe Terseesi markaawe assitu gede, assite cancanoottonsa.

⁸Maganu assinore macciishshinoommo; Wo'munkura Aliidi Maganiha baxillesi anfoommo; isino konne katama hegerera keere hee'ranno gede assanno.

⁹Magano! Qullaawa Minekki hee'ne, bagamannokkiha baxillekki qaangeemmo.

¹⁰Magano! Su'mikki gobba baalate egennaminonte gede, galatikkino gobba baala iillanno; angakkirano halaalu wo'mino.

¹¹Kaaliiqa! Halaalaancho yookkinni Tsiyooni manni hagiidho; Yihudu katammara noorira tashshi yoonsa.

¹²Maganu manna, Tsiyooni gaangaabbe; kinchu huxxi aana noo shaeno kiirre.

¹³Huxxu daafira diinaggaabbine, katamu giddo noo qiishono buuxxine, «Kuni Magani hegerera Maganonkeeti; isino hegere geeshsha massagannonke» yitine, dagganno ilamara kultinanni.