Read Sidama_Qullaawa _Maxaafa FAARSO 49 Bible Online

FAARSO 49 - Sidama_Qullaawa _Maxaafa bible

FAARSO 49

¹FAARSAANOTE ROORRICHITA QORE OOSO FAARSO Ki'ne gosa baala konne coye macciishshe; baattote aana heedhinoonniri baalu wodana asse;

²Aliidirinna woriidiri, dureeyyenna buxane mitteenni macciishshe.

³Afii'ya hayyo coyi'ranno; wodani'ya hedo wodancha uyitanno.

⁴Macca'ya maammaashshu widira qolummo; maammaashshu tirono gingilaate gananni kuleemmo.

⁵Bushu manni gaangeessannoe yannara, qarru barra diwaajjeemmo.

⁶Jironsa hexxitannore, durummansa batinyinni adawadhitannoreno diwaajjeemmo.

⁷Mannu umosi gatisa didandaanno; lubbosi woxxate Maganoho ee afannori dino.

⁸Reyikkinni hegerera hee'rate, baantanniri dandiinannikkiha ikkino daafira, ikkanno geeshshire ee diafanno.

¹⁰Gowwootunna jallaagootu gede, egennaammuno reyitanno gedenna, jironsano wolootaho agurte hadhannota ayino afino.

¹¹Lowo baatto noonke yite naaxxitannoha ikkiro nafa, waamma hegerera minensa ikkitanno.

¹²Manna jirosi digatissannosi; saadate gede reyasi digattannote.

¹³Uminsanni addaxxitannorira kuni coyi daannonsa; jironsanni qawaaxxidhannorira tini kaayyonsaati.

¹⁴Gorrinara haa'ne ha'nanni ge'reewi gede, konne mannano reyo agarte no; maalinsano rahe mininsara jeennaate dirre shamanno.

¹⁵Ane kayinni Maganu jeennaatu giddonni wode, reyotenni gatise isiwa haa'rannoe.

¹⁶Mannu jiro afi'rironna, jiro jirote aana lexxitusiro hinaasu illenni la'ooti.

¹⁷Reyanno yannara anga adhe ha'rannori dinona, jirosino ledosi dihadhannona.

¹⁸Lubbotenni hee're qawaaxxi'rironna, qiniitisinni kainohunni mannu jajisiro nafa,

¹⁹isino ree, hegere geeshsha xawaabba anfannikkiwa, akaakkasiwa ha'ranno.

²⁰Wodancha nookkiha jiro duu'nino manchira, saadate gede reyasi digattannote.