Read Sidama_Qullaawa _Maxaafa FAARSO 65 Bible Online

FAARSO 65 - Sidama_Qullaawa _Maxaafa bible

FAARSO 65

¹FAARSAANOTE ROORRICHIRA DAAWITITA GALATU FAARSO Magano! Atera Tsiyooni galatu malinohe; ninkeno atera xa'ninoommo xano wonshineemmo.

²Mannu baalu cubbinsa daafira yee, atewa daanno; atino huuccattonsa macciishshatto; cubbu lowo geeshsha ayirrannonke yannara, ati saonke agurattonke.

⁴Ati dooroottohura, Qullaawa Darga hee'rara woshshoottosihura tashshi yoosi; duushshannonke atooti Qullaawu Minikki giddonni fulannoho.

⁵Magano gatisaanchonke! Dhegge loosse dawaro qoloottonke; baara widoonni noorinna baattote qaccera heedhannori baalu ate hexxitanno.

⁶Jawaata wolqakki leellishshanni, ilaalla base basensara uurrisootto.

⁷Baaru dambali luulattonna, mannu canco sammi assatto.

⁸Assootto dhaggenni kainohunni daga baala yitannore habbanno; danchu loosikkinni kainohunni, qaccetenni qaccete geeshsha baattote aana hagiirru duduwamanno.

⁹Xeena uyite baatto towatootto; lowo geeshshano qawaaxxisootto; lagikkira wayi wo'mino; ati yootto garinni, baatto jajja fushshitino.

¹⁰Hawuurshisera xeena duushshatto; ooyyaseno taashshatto; bushshano shorunni shaqqishatto. Mu'raseno latisatto.

¹¹Ellekkinni diro qawaaxxisatto; ati noottowi baalu duuwoho.

¹²Halalla saada wo'mitanno; gaarrano hagiirre uddanote gede uddidhanno.

¹³Xawu, lowo saada hossannowa ikkanno; laggate gidu wo'manno; baalunku hagiirrunni ilillisanni faarsanno.