Read Sidama_Qullaawa _Maxaafa FAARSO 74 Bible Online

FAARSO 74 - Sidama_Qullaawa _Maxaafa bible

FAARSO 74

¹ASAAFI ROSIISHSHA Magano! Horonta mayira agurittonke? Qanchikki ge'reewira hanqikki mayira buwi?

²Balaxxe kalaqoottota songokki, woxxoottoha utuwakki, aanasi hee'roottoha Tsiyooni ilaala qaagi.

³Diinu diige huninoha Qullaawa Mine, konne co'o bainoha ka'anna kawa ha'rante lai.

⁴Baarigaarrakki Qullaawa Minekki qeexaa'litanno; hakkiichono qeellete malaate uurrissanno.

⁵Insa haqqa dolannohu gede, waalchuwa meesanetenni boccu.

⁶Qolteno haqqetenni seekkinoonni uduunne baala, meesanetenninna meenchunni cancantu.

⁷Qullaawa Minekkino giirtu; Magansi'nannihe darga batteessitu.

⁸Insano co'o assite huntankera ka'u; Magano magansi'nanni darga qullaawa darga baala giirtino.

⁹Malaattano dila'neemmo; kunni ka'a himanaanchuno dihee'ranno; tini ikkitono mageeshsha keeshshitannoro afinohu dino.

¹⁰Magano! Baarigaaru mamooti geeshsha qacifatannohe? Su'makki shollishino gedeennilla hee'ranno?

¹¹Kaa'la mayira giwittonke? Angakki badhera mayira qolitto?

¹²Magano! Ati bi're hundinni kayisse mootete; baattote aanira gato haadhe abbootto.

¹³Ati baara wolqakkinni lamewa badootto; wayi giddo hee'ranno moyicho umo cancanootto.

¹⁴Lewaataani yinanniha baaru moyicho umo cancanootto; maalasino halallitte gobbara hee'ranno mannira sagale assite ootto.

¹⁵Xo'annokki bu'anna xashshuwa lolaasootto; jajjabba lagga kayinni mooshshootto.

¹⁶Barruno hashshuno ateho; arrishshonna agana kalaqoottohu ateeti.

¹⁷Ati baattote qaccera danna worootto; arronna hawadono ati kalaqootto.

¹⁸Kunni kalaqamikkire hedi; Magano! Baarigaarrakki qacifattannohe gara lai! Kuni hawanyu manni su'makki xonsiisino.

¹⁹Ate anga galino manna moyichoho uyitooti; gadadaminoha mannakki horonta habbooti.

²⁰Eootto gondooro qaagi; baattote aana tunsino darga baala, hawanyootu wo'mitino.

²¹Qarraataammu saalfatte higgoonke; qarraataammunna buxane ate galattohe.

²²Magano ballo, kai! Mannikkira coyi'rami; hawanyu manni barra wo'ma qacifatannoheta habbooti.

²³Baarigaarrakki adawarshanna, boollaqi'ransa habbooti.