Read Sidama_Qullaawa _Maxaafa FAARSO 77 Bible Online

FAARSO 77 - Sidama_Qullaawa _Maxaafa bible

FAARSO 77

¹FAARSAANOTE ROORRICHIRA EDOOTAAMITA DAAWITI FAARSO Qoonqo'ya naggi asse Maganunniwa hige raarummo; macciishshannoe gede woxaratoommo.

²Qarru barra Mooticha hasi'reemmo; hashsha wo'ma anga'ya diriirse huucci'ranni galoommo; kayinnilla, shesho diafi'roommo.

³Magano! Atere hedeemmo yannara dadilleemmo; heeshshi gotti asse laeemmo woyite jalli assie.

⁴Hashsha wo'ma goxano ho'littoe; shetto batidhinoehura coyi'rano didandoommo.

⁵Albi yannare hedummo; bi'reereno qaagummo.

⁶Hashsha wodani'yanni malanni galeemmo; wodani'yanni malanni umi'yara,

⁷«Mootichu hegerera tuge agurannoni? Kunni ka'a caaqqi yee dila"annonke?

⁸Bagamannokkihu baxillisi goofinoni? Hexxonnihu qaalisi soorraminoni?

⁹Maganu marara hawinoni? Maarosi hanqoho soorrinoni?» yoommo.

¹⁰Hakkunni gedensaanni, «Wo'munkura Aliidi Magani anga, albi gede jawaata gibbino; lowo geeshsha gawajjamoommo» yoommo.

¹¹Kaaliiqa! Loosootto looso qaageemmo; alba assootto dhagge addintanni qulli yitannoe.

¹²Loosoottore baala hedeemmo; dhaggenniha loosokki baala heeshshi gotti asse laeemmo.

¹³Magano! Ati loosatto loosi baalu qullaawaho. Ate Maganinke gedeehu jawu magani dino.

¹⁴Maalale assatto Magani ateeti; gosate mereero wolqakki leellishatto.

¹⁵Yaiqoobinna Yooseefi sircho mannakki, wolqakkinni gatisootto.

¹⁶Magano! Wayibba ate affe waajjitu; baaru diimeno shafantu.

¹⁷Gomichu xeena dirrisino; gordu gugino; belequ raga baalaho bilicci yiino.

¹⁸Gugattokki luuli base tuqa iilli; belequ gobba baala xawisi; baattono qece yite huxidhu.

¹⁹Ati baaru giddoonni higge ha'rootto; bati'ru wayira giddoonni higge saootto; ha'rumikki kayinni illete dileellino.

²⁰Ge'reewoho albaanni ha'ranno allaalaanchi gede, mannakki Musenna Aarooni widoonni qolte massagootto.