Read Sidama_Qullaawa _Maxaafa FAARSO 81 Bible Online

FAARSO 81 - Sidama_Qullaawa _Maxaafa bible

FAARSO 81

¹FAARSAANOTE ROORRICHIRA SUUSULLETENNI ASAAFI FAARSO Golonke ikkinohura Maganoho hagiirrunni ilillisse; Yaiqoobi Maganira galatu faarso faarse.

²Faarsote ka'e; dibbeno ganne; baganunninna maasinqotenni tashshi yitanno qoonqo macciishshinanni gede asse.

³Ayyaana ayirrinsanni barra buudu xurumba ufuuffe; Aganu Leellanno yannaranna dukkaaduranno woyite hatto asse.

⁴Kuni Israeelete seeraati; Yaiqoobi Magani uyino hajajooti.

⁵Isi Gibitsete gobbanni fushshinsa waro, Israeelete wodho asse uyinonsa; egennoommokki qaale macciishshummo.

⁶Kunino, «Haxo'nera noo duha hooloommo'ne; kinna wonshinoonni gimboolano aaninni dirrisoommo'ne.

⁷Qarru giddo heedhinoonni yannara woshshitinoonnie; anino gatisoommo'ne; go'le noommowa hombobolattete giddo hee're macciishshoommo'ne. Meriiba yinanni bu'a mule fonqoloommo'ne.

⁸Manna'ya, qorophishiishsha'ya macciishshe! Israeele, macciishshitinoomme"ero maaho!

⁹Wolu magani hee'roonke'ne; kaphu maganono magansidhinoonte.

¹⁰Gibitsete gobbanni fushshummo'nehu ani Kaaliiqi Magano'neeti; wonsheemmo'nena afoo'ne halashshitine fanne.

¹¹«Manni'ya kayinni qaale'ya dimacciishshino; Israeeleno dihajajantinoe.

¹²Kunnira, hettisamatenna wodaninsa gede heedhara, wore agurummonsa.

¹³Manni'ya macciishshoommero, Israeeleno doogo'ya ha'runsitoommero,

¹⁴diinansa rahotenni beeshsheemmohu baino; baarigaarransa qeelantanno gede asseemmohu baino.

¹⁵Gibbannoeri baalu waajjite umo heeshshi yitanno; hegere geeshsha qorichisheemmonsa.

¹⁶Ki'nera kayinni xuma qamade itiseemmo'ne; godu giddonni fulanno malawo duushsheemmo'ne» yaanno.