Read Sidama_Qullaawa _Maxaafa FAARSO 9 Bible Online

FAARSO 9 - Sidama_Qullaawa _Maxaafa bible

FAARSO 9

¹MUTILABEENINNI FAARSAANOTE ROORRICHITA DAAWITI FAARSO Kaaliiqa, wo'mu wodani'yanni galateemmohe; assootto dhagge baalanta kuleemmo.

²Atenni tashshi yaannae, hagiidheemmo; Wo'munkura Aliidi Magano, su'mikkira faarseemmo.

³Ati daatto yannara, baarigaarra'ya xooqqanni, gufidhe ubbe reyitanno.

⁴Ayirrinyu barcimira ofolte halaalu yoo yitanni, anerano halaale coyi'rattoe.

⁵Daga rufitto; bushuulleno guditto; su'mansano hegerera co'o assite hunitto.

⁶Baarigaarra hegerera ba'u. Katammansano diigitto; horo qaangannikkire ikkitu.

⁷Kaaliiqi kayinni hegerera moohanno; ayirrinyu barcimasino yoote qixxeessi'rino.

⁸Isino gobba gosate halaale coyi'ranno; dagano taashshe gashshanno.

⁹Kaaliiqi gadadaammaho golonsaati; qarrinsa yannarano golonsaati.

¹⁰Kaaliiqa, ati hasidhannohere tugge agurattonsakki daafira, su'makki egentinori baalu addaxxitannohe. Kaaliiqa, ati hasidhannohere tugge diagurattonsa.

¹¹Tsiyooni hee'rannohura Kaaliiqira faarse; assinoreno dagate kulle;

¹²manna shitannore rabbisanno Magani, qarraataamma qaaganno; raarensano macciishsha digiwanno.

¹³Kaaliiqa ballo, baarigaarra'ya abbitannoe qarrano la'e mararie; reyote nafarchinni haadhe fushshie.

¹⁴Konne assittoero, Tsiyooni nafarchira uurre, galatakki baala kuleemmo; gatisoottoehurano hagiidheemmo.

¹⁵Daga uminsa untino balera ubbu; wortino woshshaadonni lekkansa amadantu.

¹⁶Kaaliiqi halaale coyi'rate egennaminoho; cubbaataammu loossino loosinni amadantu.

¹⁷Cubbaataammu jeennaate e'anno; Magano habbannori baalunku hatto ikkitanno.

¹⁸Gadadaammu hawantino gedeenni diheedhanno; qarraataammu hexxo horonta diba'anno.

¹⁹Kaaliiqa ballo, mannu wolqisannohekki gede kai; dagano gamba assite yookki yii.

²⁰Kaaliiqa, waajjillekki aanansa duuni; insano reyitannore ikkitinota affona.