Read Sidama_Qullaawa _Maxaafa FAARSO 94 Bible Online

FAARSO 94 - Sidama_Qullaawa _Maxaafa bible

FAARSO 94

¹Kaaliiqa ati rabbate Magani, hanqokki leellishi.

²Mannu wo'munkura yoo yaattohu, ka'e boonaleeyyete malino qoricha uyi.

³Kaaliiqa, bushuullu mamooti geeshsha, mamari geeshsha naaxxitanno?

⁴Maahoyye gibbinori naaxxitannohunna, bushu loosinsanni boo'nitannohu mamooti geeshshaati?

⁵Kaaliiqa! Kune mannakki miiccanno; doodhoottore gadadissanno.

⁶Gunnittenna buxo shitanno; manni gobba mannano guddanno.

⁷Insano, «Kaaliiqi dila"anno, Israeelete Magani diafanno» yitanno.

⁸Ki'ne bushuullu mamaro affinanni? Ki'ne gowwootu mamoote egentinanni?

⁹Maccanke kalaqino Magani macciishshannoho; illenke kalaqinohu la"annoho.

¹⁰Daga baala seejjannohu insa diqorichishanno? Manna wo'manka rosiisannohu, isi egenno diafi'rinoho?

¹¹Mannu hedo mullare ikkitinota, Kaaliiqi egennino.

¹²Kaaliiqa! Ati seejjattohona, seerakki rosiisattosi manchi ba'raa'rinoho.

¹³Bushuulleho bale umma geeshsha, iso qarru barra fooliishshiishattosi.

¹⁴Kaaliiqi mannasi dihunanno; isire ikkitinoreno diaguranno.

¹⁵Halaalu dargasi dihawanno; wodana subbinori baalu sumuu yite adhitanno.

¹⁶Bushuullu albaanni anera golamannoehu nooni? Bunshe assitannori ledo ane daafira coyi'ramannohu ayeti?

¹⁷Kaaliiqi kaa'la hoogoomme"ero, rahotenni jeennaate e"e hoogoommo.

¹⁸Lekka'ya sarraaqanteenna uwoommo yoommoha, Kaaliiqa'ya! Bagamannokkihu baxillikki irkise kayisinoe.

¹⁹Yaaddonna dadillu amadie yannara, sheshifachishshe, hagiirsiisoottoe.

²⁰Uminsa seera so'ronniha qixxeessidhannorinna, bunshe loossanno gashshaano ate ledo mittimma diafidhino.

²¹Keeraanchoho gano gantanno; beebbaataamu reyanno gede maltanno.

²²Anera kayinni Kaaliiqi golo'yaati; Magani'ya hale'yaatinna qiisho'yaati.

²³Bunshensa daafira qorichishannonsa; cubbinsa daafira hunannonsa; Kaaliiqi Maganinke gudannonsa.