Read Sidama_Qullaawa _Maxaafa LAWISHSHA 13 Bible Online

LAWISHSHA 13 - Sidama_Qullaawa _Maxaafa bible

LAWISHSHA 13

¹Egennaamu beetti annisi seejjo macciishshanno; haariimaanchu kayinni so'rosi horonta diammananno.

²Mannu danchare coyi'rasinni seyinore afi'ranno; xagaraammu kayinni bunshe halchitanno.

³Arrawosi eemadhannohu lubbosi agadhanno; afi gede coyi'rannohu kayinni ba"anno.

⁴Cee'maleessu mitto coye afi'rate lowo geeshsha halchanno; ikkollana mittoreno difi'ranno; jaate loosi'rannohu halchinore baala afi'ranno.

⁵Keeraanchu manchi kapho giwanno; bushu kayinni saalanna shollinye abbanno.

⁶Suwashsho mancho keeraanchimmasi agartannosi; busha kayinni cubbisi hunannosi.

⁷Mitu noosiri nookkiha afi'raamo lawanno; wolu kayinni lowo jiro heedheennasinni buxicho lawe hee'ranno.

⁸Mannu jirosinni lubbosi gatisi'rara wo'naalanno; buxicho kayinni hasiisannosihu dihee'ranno.

⁹Keeraanote caabbichi warri yee xawanno; bushuullu caabbichi kayinni xoanno.

¹⁰Boo'naleeyye gibbo kalaqqanno; amaallannire adhitannori kayinni egennaammaho.

¹¹Saamme gamba assinanni jiro mulenni ba'anno; suutu suutunni gamba assinanniti kayinni lexxitanni hadhanno.

¹²Wo'mitukkinni keeshshitanno hexxo wodana daafursitanno; wo'mitino hexxo kayinni heeshshote haqqichooti.

¹³Kulloonni amaale mishannohu umosi hunanno; hajajo ayirrisannohu kayinni ba'raa'ra afi'ranno.

¹⁴Egennaamu kulanno coyi heeshshote buichooti; manna reyote woshshaado eannokki gede gatisanno.

¹⁵Dancha egenno ayirrinye uyitanno; yawaawulootu doogo kayinni baote massitanno.

¹⁶Egennaamu manchi looso hayyotenni loosanno; gowwu kayinni gowwimmasi leellishanno.

¹⁷Bushu sokkaanchi qarra kalaqanno; ammanamino sokkaanchi kayinni keere abbanno.

¹⁸Seejjo giwanno manchi buximatenna shollinyu aana uwanno; yinoonnita macciishshannohu kayinni ayirranno.

¹⁹Halchinoonniri wo'manno woyite tashshi yaanno. Hawanyootu bunshetewiinni fafa dibaxxanno.

²⁰Egennaamu ledo hosannohu egennaamo ikkanno; hawanyootu jaali kayinni qarru aana uwanno.

²¹Qarru cubbaataammu hoode ha'ranno; keeraano kayinni dancha coye afidhanno.

²²Keeraanchu manchi jirosi oososi oosora sayisanno; cubbaataamu jiro kayinni keeraanchoho gattanno.

²³Buxanete baatto lowo jajja fushshitara dandiitanno; bushu manni kayinni xagare adhannonsa.

²⁴Beettosi seejjannokkihu giwannosiho; baxannohu kayinni seekke seejjanno.

²⁵Keeraanchu duuwa geeshsha itanno; bushu kayinni hudi'ranni hee'ranno.