Read Sidama_Qullaawa _Maxaafa LAWISHSHA 16 Bible Online

LAWISHSHA 16 - Sidama_Qullaawa _Maxaafa bible

LAWISHSHA 16

¹Mannu wodanisinni hedanno; hendoonniri wo'mannohu kayinni Kaaliiqi yiino garinniiti.

²Mannaho ha'ranno doogo baala garalla labbannosi; Kaaliiqi kayinni wodanu mu'ra la"anno.

³Hedokki qiniitannohe gede, assattore baala Kaaliiqira eeggo uyi'ri.

⁴Baalanka coye Kaaliiqi hajasira yee assino; bushuulleno baote barrira worino.

⁵Kaaliiqi boonaleessa wodana tiyyi're giwanno; hakko wodanihu qorichishamikkinni gatannokkita egenne.

⁶Baxillunna ammanama cubbo agursiissanno; Kaaliiqa waajja cubbuwiinni agartanno.

⁷Kaaliiqi hagiirsiinsisiro, diinu ledo nafa keere hee'nanni gede assanno.

⁸Halaalunni afi'noonnihu shiimu, hanaanqe afi'nannita lowo jiro rooranno.

⁹Mannu wodanisinni hedanno; hendoonniri wo'mannohu kayinni Kaaliiqi yiino garinniiti.

¹⁰Moote Kaaliiqi afoo ikke coyi'ranno; kunnira, yiino yoo so'ro di"ikkitanno.

¹¹Kaaliiqi, safaraasinchunna keenaasinchu taalannota baxanno; isi taalu bikkaasinchinni dikki'nannita hasi'ranno.

¹²Keeraanchimma gashshoote geedonniha assitanno daafira, mootoolla bunshe loosa makkidhanno.

¹³Halaale coyi'ranno arrawi moote hagiirsiisanno; mooteno taalo coyi'ranno mancho baxanno.

¹⁴Mootete hanqi reyo abbanno; egennaamu manchi kayinni hanqo qiissanno.

¹⁵Mootete albi hisatiro, heeshsho no; ellesino badheessi xeena amadino gomichi gedeete.

¹⁶Culkunkunni egenno afi'ra, birrunkunni wodancha afi'ra roortanno.

¹⁷Keeraanote doogo bunshetewiinni faffinote; doogosi agadhinohu lubbosi agadhinoho.

¹⁸Boo'na baote widira haadhe hadhanno; boollaqi'rano uwate widira qolte massitanno.

¹⁹Boonaleeyyete ledo mulqi'noonnire beeqqantenni, gadadantinori ledo umo heeshshi yine hosa woyyitanno.

²⁰Kulloonnire macciishshannohu dancha coye afi'ranno; Kaaliiqa addaxxannohu ba'raa'rinoho.

²¹Wodancha afi'rino mancho egennaamoho yinanni; danchu hasaawisinni manna adhanno.

²²Afi'rino manchira egenno heeshshote buichooti; gowwaho kayinni gowwimmasi qorichasiiti.

²³Egennaamu manchi wodani giddonni egenno fultanno; hasaawisino manna gamba assanno.

²⁴Shaqqadu arrawi malawu leooti; lubbote coommanno; miqichono hursanno.

²⁵Mannaho dancha labbannoti mitte doogo no; goofimarchoho kayinni reyote tugganno.

²⁶Mannu kokkesira yee loosi'ranno; godowu hudeno loosi'nanni gede assitanno.

²⁷Yawaawulu manchi bunshella hasanno; arrawisino giirate gede itanno.

²⁸Shokkashshu manchi gibbo wixanno; hemaanchuno jaala jaaluwiinni badanno.

²⁹Mararro afi'rinokki manchi jaalasi awaawure, busha doogo qole haa're ha'ranno.

³⁰Alba bushinohunna suume ga'mi'rinohu, bunshe hedinoho.

³¹Seedu diri keeraanote ba'raa'raati; awuuwe ayirrinyu ba'lattooti.

³²Bareedunkunni cincaaleessu woyyanno; katama qeele gashshino manchinni, umosi qeele galinohu rooranno.

³³Ikkannore afate mannu hixa tuqqanno; ikkannohu kayinni Kaaliiqi yiinoho.