Read Sidama_Qullaawa _Maxaafa ROSIISAANCHO 1 Bible Online

ROSIISAANCHO 1 - Sidama_Qullaawa _Maxaafa bible

ROSIISAANCHO 1

¹Yerusaalamete moohinohu rosiisaanchu Daawiti beetti coyi'rino coyi kunninni aane nooho.

²Rosiisaanchu: Haafaho, haafaho, haafu haafaati; baalunkuri haafaho!

³Mannu baattote aana daafuranno daafurinni maricho lexxanno?

⁴Ilama sa'eenna ilama riqiwantanno; kalqe kayinni noowa heedhanno.

⁵Arrishsho fulte e'anno; fultinowa higate muddantanno.

⁶Bubbe wodiidira higge bubbissanno; aliyyera higgeno doyitanno. Doyite doyite galagalte higganno.

⁷Wayi baalu lolahe baara eanno; baaruno horonta diwo'manno. Wayi galagale fulino dargira higanno.

⁸Baalunku coyi daafursannoho; tenne mannu tire coyi'ra didandaanno. Ille la'e diduubbanno; maccano macciishshite dibagganno.

⁹Alba ikkino coyi galagale ikkanno. Alba assinoonniha xaano assinanni. Kunnira kalqete aanaanni mittuno haaru coyi dino.

¹⁰Ayeno, «Kuni haaro coyeti!» yiiro nafa, hakku coyi ninke ilammammora albaanni nooho.

¹¹Alba hee'rino manna qaagannohu dino. Daggara noo ilamano xa noo ilama diqaagganno.

¹²Ani rosiisaanchu Israeelete moote ikke Yerusaalamete hee'roommo.

¹³Tenne kalqe aana ikkino coye baala buuxe afate mixi'roommo. Maganu mannaho duhisiisino duhi lowo geeshsha bati'ra ikkinota afoommo.

¹⁴Kalqete aanaanni ikkino coye baala laoommo. Ikkollana baalunkuri haafaho; diilallo cu'mate gedeeti.

¹⁵Shokkashshu suwara didandaanno; nookkihu kiiramara didandaanno.

¹⁶Ani kayinni wodani'yanni, «Kunni albaanni Yerusaalame gashshitinori baalunkunni roore egennaamooti; egennonna hayyo maatiro seekke afoommo» yoommo.

¹⁷Afanna egenno, gowwimmanna macharaarre maatiro bade afate mixi'roommo. Kunino haafaho; diilallo cu'mate gedeeti.

¹⁸Hayyo lexxitu deerrinni yaaddo batidhanno. Egenno lexxitu deerrinni qarru bati'ranno.