Read Sidama_Qullaawa _Maxaafa ROSIISAANCHO 10 Bible Online

ROSIISAANCHO 10 - Sidama_Qullaawa _Maxaafa bible

ROSIISAANCHO 10

¹Reyino teenni su'naru buuro boshshanno. Hattonni shiima gowwimma lowo egennonna ayirrinye huntanno.

²Egennaamu wodani qiniitira hedanno; gowwu wodani kayinni gurara hedanno.

³Gowwu ha'ranno doogga baala xeate; gowwimmasino mannaho leellishi'ranno.

⁴Cinca lowo hanqo gabbi assitannona, roorrichikki hanqannohe yannara dargakki agurtooti.

⁵Kalqete aana laoommoti mitte busha no. Tinino gashshaanchuwiinni fultanno so'rooti.

⁶Gowwootu ayirrado darga amaddeenna, dureeyye kayinni shota darga ofoltino.

⁷Faantootu farado guluffeenna, ayirraddu kayinni, lekkatenni hadhanna afoommo.

⁸Bale umannohu balete uwara dandaanno; huxxa diigannohano hamashshu qasannosiha ikkanno.

⁹Kinna galchannohu raanti'rara dandaanno; haqqe bocannohu madi'rannoha ikkanno.

¹⁰Badino siwiila gamaxi'rannokkihu, wolqasi beebba guxxanno; egenno kayinni danchu gumira iillishshanno.

¹¹Hamashshu qasihu gedensaanni, jalli assa kaa'litannori dino.

¹²Egennaamu manchi afiisinni fulanno coyinni, ayirrinye afi'ranno. Gowwa kayinni, afiisinni fulanno coyi hunannosi.

¹³Gowwu coyi gowwimmatenni hanafame, busha makkallenni goofanno.

¹⁴Gowwu manchi coye batisanno; albillittete ikkara noore kayinni, afinohu dino. Reyihu gedensaanni ikkannoreno kulannosihu dino.

¹⁵Katama fule egenninokki daafira, gowwa daafuru shaannosi.

¹⁶Aju moote nooseteranna, gutte agge dimbitanno gashshaano noose gobbara aanne'e!

¹⁷Ayirradu sirchinni ilamino mootenna, dimbate ikkikkinni jawaante afi'rate yite hasiisanno yannara ittannonna agganno gashshaano noose gobba, lowo geeshsha ba'raadhinote.

¹⁸Minu tuuqa hoongiro ga'ranno; cee'maleessu manchi mini xissanno.

¹⁹Ita hisanyoote, aga hagiirre uyitanno; wo'manka kayinni woxunni hidhinanni.

²⁰Coyekki massite kultanno cea heedhanno daafira, wodanikkinni nafa moote bushiishshooti; ma'nakkira heedhe nafa dureessa runtooti.