Read Sidama_Qullaawa _Maxaafa ROSIISAANCHO 8 Bible Online

ROSIISAANCHO 8 - Sidama_Qullaawa _Maxaafa bible

ROSIISAANCHO 8

¹Coye tira dandaannohu hayyichu gedeehu ayi no? Hayyo mannaho alba xawissanno; albu aaninni xirchono hooltanno.

²Mootete ammanamatto gede, Maganoho xa'nootto xano wonshi; mooteteno hajajami.

³Moote hasi'rire assara dandaanno daafira, albisinni muddante fultooti; albasiinni hawa gede ikkitooti.

⁴Moote hasi'rire assara dandaanno daafira, «Togo mayira assitto?» yaannosihu dino.

⁵Hajajosi wonshinohu digawajjamanno; egennaamu yannanna halaale egennino.

⁶Mannaho qarru bati'risirono, wo'munkurira yannanna dargu noosi.

⁷Albillittete ikkara noore afinohu nookki daafira, togo ikkanno yaa dandaannohu dino.

⁸Lubbosi reyotenni gatisi'raranna reyanno barra soorri'rara dandaannohu dino. Kunni oliwiinni ayino giwe gatara dandaannokkinte gede, bunshe assitannore bunshensa digatissannonsa.

⁹Kalqete aana loonsannire buuxe laoommo; mittu woloota kade gashshanno wolqa afi'ranno.

¹⁰Cubbaataammu madaarantanna afoommo; madaarshuwiinni higguri kayinni hakko bunshe assitu qachiranni insa guwissino. Kunino haafaho.

¹¹Mannu isi, bunshe mayira loosanno? Diwoleteetina, bunshe loossinore ranke qorichisha hoongeennaati.

¹²Cubbaataammu xibbe higge cubbo loossanni seeda diro heedhuro nafa, halaalunni Magano waajjitannorira kayinni woyyannonsata afoommo.

¹³Cubbaataammaho kayinni diseyannonsa. Magano waajjitannokki daafira dirinsa caalu gede ikke mulenni sa"anno.

¹⁴Kalqete aana nooha woleno haafu coye afoommo. Cubbaataammu keeraanote iillannoha, keeraanono cubbaataammaho iillannoha adhitanno. Kunino haafaho.

¹⁵Kunnira, mannaho tenne kalqe aana noo geeshsha uyinoonnisi kaayyo itanninna aganni umosi hagiirsiisate ka'aanni, woyyanno coyi nookkita afoommo. Maganu uyinosi yanna geeshsha mannu loosisinni hagiidhanni hee'ra hasiissannosi.

¹⁶Egenno afi'ratenna kalqete aana noo coye buuxate, hashshanna barra goxummokkinni gale hosoommo.

¹⁷Mannu aye geeshshano daafure Maganu loosanno looso afara dandaannokkita buuxoommo. Egennaammu, «Ninke anfoommo» yitanno. Kayinnilla affara didandiitanno.