Read Sidama_Qullaawa _Maxaafa ROSIISAANCHO 9 Bible Online

ROSIISAANCHO 9 - Sidama_Qullaawa _Maxaafa bible

ROSIISAANCHO 9

¹Konne baala laummohu gedensaanni, keeraanotenna egennaammu loosi, wole agurranna baxxannohunna gibbanno coyi baalu Maganu anga noo gede afoommo. Ikkollana, albillittete ikkara noore afinohu dino.

²Keeraanchunna cubbaataamu, danchunna bushu, fayyaaleessunna lagaawinohu, kakkalannohunna kakkalannokkihu kaayyo mittete; keeraanchunna cubbaataamu, xaarannohunna xaaro waajjannohu mittoho.

³Kalqete aana baalunkurinni roore bushu coyi no. Hakkuno baalunku gawalo mitte ikkaseeti. Mannu wodanira bunshe wo'mitino. Wodanisira bunshenna macharaarre wo'mitino gedeenni hee'ranno. Hakkunni gedensaanni reyanno.

⁴Lubbotenni noohura hexxo noosi. Kunnira, reyino doobbiichinni lubbotenni noo woshichi woyyate.

⁵Lubbotenni noori reyitannota affino; reyitinori kayinni, mittoreno diaffanno. Afidhannorino dino; horonta hamboonnireeti.

⁶Baxillinsa, gibbonsanna hinaasinsa insa ledo mitteenni reyino; tenne kalqe aanaanni ikkanno coyi baalaho horonta beeqqaano di"ikkitanno.

⁷Maganu loosokki baxinohena hadhe, yaadittokkinni sagalekki ittanninna woyinekki agganni hagiidhi.

⁸Wo'manka woyite waajjo uddano uddi'ri; umikkino bulloonke.

⁹Daafurikkira aamaminohehu woyyanno coyi konneetina, Maganu kalqete aana uyinohehu kunni tidhinokki dirikkinni, ayiddaamakki baxi; ledose hagiidhi.

¹⁰Reyittohu gedensaanni marattowa loosu, hedo, egennonna hayyo dinona, nootto geeshsha noohe wolqa baalantenni loosi.

¹¹Tenne kalqe aana laoommohu wolu coyino no. Rakke doddannori wo'ma woyite diqolchitanno; bareedda wo'ma woyite diqeeltanno; egennaammu wo'ma woyite diduubbanno; busullaaddu wo'ma woyite diduroo'mitanno; egennaammu wo'ma woyite diayirritanno. Ikkollana, wo'munkura yannanna kaayyo xaaddannonsa.

¹²Ikkollana, busha yanna mamoote xaaddannosiro afinohu dino. Duubbe marte woshshaadote e'anno cea gedenna hedeweelcho meemmote giddora eanno qulxu'mi gede, mannuno hedeweelcho busha yannanni xaadanno.

¹³Kalqete aana, anera roore ikkinoha egennote lawishsha afoommo.

¹⁴Shiimu manni hee'rannohu shiimu katami no. Mittu jawu moote gawajjansara daye doyisse amadinsa; gidde eanno bushshano tuuli.

¹⁵Hakko katamira mittu egennaamu buxichi no; egennosinnino katama gatisi. Ikkollana konne buxicho qaaginosihu dino.

¹⁶Kunnira, «Egenno wolqatenni roortanno; buxichu egenno kayinni dinaandanni; coyi'rannoreno ale kayisannohu dino» yoommo.

¹⁷Gowwoota gashshanni raaranno gashshaanchi cancinni, suutunni coyi'rannohunnihu, egennaamu qaali rooranno.

¹⁸Olu bagadinni egenno woyyate. Mittu cubbaataami kayinni, lowoha dancha coye hunanno.