Read Sidama_Qullaawa _Maxaafa ISAYAASI 20 Bible Online

ISAYAASI 20 - Sidama_Qullaawa _Maxaafa bible

ISAYAASI 20

¹Asoori moote Sargooni olantote roorricha hajaje Filisxeemete Katama Ashidoodi gawajji waro,

²Kaaliiqi Amootsi beetto Isayaasi, «Koattenna xiddunnita uddanokki fushshite mulla lekkanni ha'ri» yee hajajisi. Isayaasino yiinosi gede ikki.

³Kaaliiqino, «Borojjichi'ya Isayaasi Gibitsetenna Itiyophiyaho malaatenna qorophishiishsha ikkate 3 diro wo'ma uddano uddi'rikkinninna koatte wodhikkinni doyino.

⁴Asoori mooteno Gibitse saalfattanno gede insahanna Itiyophiyu manna uddano uddi'rikkinninna lekkate koatte wodhikkinni mulloota haa're ha'ranno.

⁵Itiyophiya hexxitannoriranna Gibitse adawadhitannorira garu ba"annonsa.

⁶Hatte yannara baaru qaccera heedhanno gosa, ‹Asoori moote anganni gatissannonke yine hendoommo gosa ikkituta la'e! Ninke maminni ganteemmoyya?› yitanno» yii.