Read Sidama_Qullaawa _Maxaafa ISAYAASI 29 Bible Online

ISAYAASI 29 - Sidama_Qullaawa _Maxaafa bible

ISAYAASI 29

¹Daawiti teesso ikkoottatera Kaaliiqira kakkallanni dargira ate Yerusaalamete aanne'e! Diru dirunkunni ayyaanna ayirrisidhella!

²Mitto barra kayinni ani Kaaliiqi, «Kaaliiqi Kakkalo Dargaati» yinanni Katama shetiseemmo. Hakkiichi dadillunna wi'late darga ikkanno; katamuno mundee aanaho lolaansoonni dargi kakkalonnihu gedeeha ikkanno.

³Gaangaawisira kinchu huxxanna qiisho seekki're raga baalanka shetiseemmo.

⁴Balete giddo hee're kaa'lote raaranno; ekerate gede huurosi baattote giddoonni higge dagganno. Qoonqosi bushshu giddoonni qolle macciishshinanni.

⁵Ikkollana mitto barra batinyu diinikki buko ikkanno; waajjishshannoti diinikki olanto, hedeweelcho bubbe kayisse huntanno galawi gede ikkitanno.

⁶Ani Olantote Mootichi Kaaliiqi banqo, baattote shafama, lowo luulo, hombobolatte, dambalanna itannoha giirate buwano soye diinikki anganni gatiseemmohe.

⁷Maganunniha Kakkalote Darga ikkino katama gawajjate daggannoti wole gobba olanto baala bagadinsa ledo mitteenni gooffanno; goxanote wodaninni hee'ne hendoonni coyi gede ikkite hawantanno.

⁸Yerusaalamete aana bala tuggara shiqqannoti wole gobba olanto baala, hashsha haaqeete itanni gale, ka"anno woyite hudi'rannohunna haaqeete aganni gale, ka"anno woyite goo'rotenni kokke moolanno manchi gede ikkitanno.

⁹Massine jalli yiiyye! Ballitinoonni gedeenni heedhe! Woyinete xajje agginikkinni dimbe! Dimbisannore kisidhinikkinni gaggabbe.

¹⁰Kaaliiqi jalli assino'ne daafira goxano adhite ba'ino'ne. Himanaanonna ajuuja la'annori mannaho ille ikka hasiissinonsa; Kaaliiqi kayinni illensa beeshshino.

¹¹Tini baalanti ajuuja ki'nera go'lite cunfe agurroonni maxaafi gede ikkitanno'ne. Egennino manchiwa massidhine, «Nabbawinke» yitineennano, «Cufame noo daafira didandeemmo» yee dawaranno'ne.

¹²Nabbawa egenninokkihuwa massitine, «Nabbawinke» yitinirono, «Ani nabbawa didandeemmo» yaanno'ne.

¹³Mootichu, «Tini gosa afuunni ayirrissannoe; wodanunni kayinni anewiinni faffe no. Magansidhannoehuno mannu woga wonshateeti.

¹⁴Kunnira, maala'linanni coye hoode hoodete abbanni dhaggeeffattanno gede asseemmonsa. Egennaammu egenno huneemmo; hayyoolete hayyo diigeemmo» yii.

¹⁵Heddinore Kaaliiqiwiinni goltara balete giddo maaxantannorira, «La"annonkehunna afannonkehu dino» yite loosonsa tunsichu giddo loossannorira aanne'e!

¹⁶Insa baalanka coye galchitanno. Dora ganannohunna doru uduunnichi woyite hiikku rooranno? Seekkinoonni uduunnichi seekkinosiha, «Ati diseekkoottoe» yaannoni? Woy kayinni, «Seekkinanni gara diegennootto» yaannoni?

¹⁷Shiima yanna giddo Libaanoosi dubbi loosi'nanni darga ikkanno; loosi'nanni dargino dubbo ikkanno.

¹⁸Hatte yannara macciweelootu nabbambanninsa maxaafa macciishshitanno. Tunsichoho heedhanno illiweelooti illensa fa'niteenna la'anno.

¹⁹Jooguullunna gadadaammu Israeelete Qullaawa ikkinohunni Kaaliiqinni hagiidhitanno.

²⁰Mararro afidhinokkirinna haariimaasine ba'anno; bunshe loossannori baalu gooffanno.

²¹Beebbatenni manna bushiishshannore, coyi'ramannoha yoote darga sarraaqqannorenna keeraanchu manchi halaale beeshshate kapho naqqassannore baala Kaaliiqi hunanno.

²²Kunnira Abirihaami qarrunni gatisinohu Kaaliiqi Israeelete mannira, «Manna'ya! Kunni ka'a shollinyunna saalu diamadanno'ne.

²³Anga'yanni kalaqoommota oosonsa mereeronsa affanno yannara Israeelete Qullaawa ikkoommo Magano ane galattannoe. Su'ma'yano ayirrissanno; waajjatennino soqqantannoe.

²⁴Garu baino manni afa lexxanno; wo'manka woyite gunguntannori kulloonnire adhitanno» yii.