Read Sidama_Qullaawa _Maxaafa ISAYAASI 3 Bible Online

ISAYAASI 3 - Sidama_Qullaawa _Maxaafa bible

ISAYAASI 3

¹Kune Olantote Mootichi Kaaliiqi mannu hexxinore sagale, waanna wole coye baala Yerusaalametenninna Yihudunni haa're hoolanno.

²Bareeddansanna bagadaanonsa, ejjeettonsanna himanaanonsa masaalaanonsanna gashshaanonsa,

³gaadaannuwansanna gashshaanonsa, kiilaanonsanna hayyoolensa baala gudanno.

⁴Kaaliiqi gobbansa aja ooso gashshitanno gede assanno.

⁵Mannuno mimmito gadadisanno; jaalu jaalisi aana ka"anno; ooso jawa diayirrissanno; minsheenna hee'rannohu, ayirradu manchi aana naaxxanno.

⁶Mittu mini manni anninsa maate giddonni mitto doore, «Atera woluri hoogiro nafa uddi'ratto imaani noohena, ballo eeggatena albisa ikkinke. Kuri diigaminorira baalaho annimma ateta ikkito» yitanno.

⁷Isino qoonqosi naggi asse, «Anerano mine'ya ikkitanno sagale woy imaanu nooekki daafira, albisa ikke gashshammo'nera didandeemmona doortinoonte"e» yee dawarannonsa.

⁸Yerusaalame sarraaqante doogote aana no; Yihuduno uwara rahe no; coyinsanninna loosinsanni Kaaliiqa fonqolte ayirrinyesi shotissino.

⁹Laihu baalu bunshensa albinsa aana afanno; Soddoomu manni gede cubbonsa goltukkinni xawoho hasaabbanno. Uminsa aana bao abbidhino daafira insara aanne'e!

¹⁰Keeraano dancha loosinsa laalcho ittanno daafira, «Baraadhinoonni» yiiyyensa.

¹¹Sao assitannori kayinni wolootu aana assitino sao daafira malinonsa qoricha adhitannona insara aanne'e!

¹²Woxe liqiissitannori manna'ya qarrissanno; qallote liqiissitannorino mulla anganni gatissinonsa. Manna'ya! Albisooti'ne so'risiissanno'ne; doogote aaninnino wirri assitanno'ne.

¹³Kaaliiqi yoote barcimira ofolle, mannisira yoo yaara qixxaawe no.

¹⁴Kunnira mannisi albisootanna amaalaasine yoonniwa shiqqi asse, «Woyinete laalo gatissinikkinni mucuqqi assitine gudhitinoonni; buxanetewiinni wolqatenni haa'noonni jiro mine wonshidhinoonni.

¹⁵Manni'ya mikita hiiqqatenna buxane gadadisate ayi fajji'ne? Konne coye coyi'roommohu ani Olantote Mootichi Kaaliiqaati» yii.

¹⁶Kaaliiqi, «Tsiyooni meenti naaxxa batisino; haxo sangaagge illetenni qiphi assanno; lekkansara noo gume qaca assanni sununni qaafanno.

¹⁷Ani uminsara madanna bo'roosho wore uminsa qooncho luqqaase mulla asseemmo» yii.

¹⁸Hatte yannara, Mootichu Yerusaalamete meenti irra: Lekkate gume, umoho usudhannore, goowinsa irra, maccansa buticha, maxaabirrensa, albaho usudhannore, dasaho wodhanno gume, halloho usudhanno qu'ne, su'naru gujuujje, kulote wodhino quraama, qubbennitanna sanote cuuensa, ayyaanu yannara uddi'rannoha maareekote imaana, aanaanni uddi'rannorenna kaabbansa, angate ogoro, hincilaallonsa, waajjo shaalado shalonni gannoonniha giddoyidi imaanansa, umo guggu'lannorenna alba diphannore baala haa're hoolanno.

²⁴Kunnira su'naa agure bowannore, dancha qu'ne agure siiwotenni qodhannore, naannote darga umu luqqainore, aanaanni uddi'nanni imaani darga xiddunniha uddi'rannore, xumille hoole boddimma woreemmonsa.

²⁵Labballo'ne bagadu gudanno; bagadaano'ne olunniwa gooffanno.

²⁶Yerusaalamete Katama e'nanni waalchuwara raarenna wi'la macciishshinanni. Katamuno mulla heedhe manchitte ofoltino mancho gedeeha ikkanno.