Read Sidama_Qullaawa _Maxaafa ISAYAASI 35 Bible Online

ISAYAASI 35 - Sidama_Qullaawa _Maxaafa bible

ISAYAASI 35

¹Molo baatto hagiidhitanno; halalli baattorano daraaro fultanno.

²Molo baattora daraaro wo'miteenna, hagiirru faarso faarsitanno; Libaanoosi Ilaali gede biifaado ikkitanno; Qermeloosi Ilaalinna Saarooni Lagichi gede ayirrinye uddidhanno. Mannu baalunku, Kaaliiqi gacheenanna ayirrinye la"anno.

³Daafurtino anguwa jawaachishshe! Leqe leqe yitino gulubba kaajjishshe!

⁴Shashu wodani noonsarira, «Waajjitinoontena jawaatte! Magani'ne diina'ne rabbise, ki'ne gatisara daanni no» yiiyye.

⁵Hatte yannara ballootu ille la'anno; macciweelootu macca fa'nitanno.

⁶Naafichu bullichi gede kubbanno; danqichu arrawino hagiirrunni faarsanno; halallitte gobbara wayi lolahanno.

⁷Iibbe itanno shaafi kofame ikkanno; moola baattora buicho burqitanno. Yeedaala hossanno darga, shaqqado hayissonna haqalu fulanno.

⁸Hakkiicho, Jawa doogo heedhanno; iseno, «Qullaawa Doogooti» yinanni. Tini doogo Kaaliiqi mannira ikkitanno; keeraa'minokkihu hakkaanni hige diha'ranno; hawanyu hakkaanni hige sa"ara diuyinannisi.

⁹Doobbiyunna waajjishanno moyichi, hakkiicho dihee'ranno; Kaaliiqi gatisinonsa manni callu, hakkaanni hige ha'ranno.

¹⁰Kaaliiqi wodinonsa manni galagale hige, faarsanni Tsiyooni eanno; hegere hegerera hagiirru ba'latto wodhitanno. Hagiirrenna hisanyoote haraqidhanno; yaaddonna dadillu mulinsanni xooqanno.