Read Sidama_Qullaawa _Maxaafa ISAYAASI 38 Bible Online

ISAYAASI 38 - Sidama_Qullaawa _Maxaafa bible

ISAYAASI 38

¹Hatte yannara moote Hiziqiyaasi lowo geeshsha dhiwame reyote gamba yee hee'reenna ani Isayaasi mare, «Kaaliiqi, ‹Dhibbikkinni dihuratto; reyattoraatina minekki biddi assi'ri› yiinohe» yee kuloommosi.

²Hiziqiyaasi alba xarrate widira hige hururame wi'lanni, «Kaaliiqa'ya, atera ammaname wo'mu wodaninni soqqamoommoheta, ati baxattore assoommota qaagie» yaanni huucci'ri.

⁴Hakkunni gedensaanni Kaaliiqi ane Isayaasira,

⁵«Marte Hiziqiyaasira, ‹Awurikki Daawiti Magani ani Kaaliiqi, huuccattokki macciishshoommo; hindiiddokkino laoommo. Kunnira dirikki aana 15 diro ledoommohe.

⁶Atenna konne Yerusaalamete Katama Asoori moote anganni gatiseemmo; katamano agareemmo› yiino yite kulisi» yiie.

⁷Anino Hiziqiyaasira, «Kaaliiqi uyinohe hexxo wonshannoha ikkasira malaatu konneeti:

⁸Moote Akaazi yanna bikkate seekkisiisino dirimi aana uwanno caale, Kaaliiqi 10 dirima galagale badhera higanno gede assanno» yoommosi. Caaluno tonnenka dirima sae galagale badhera higi.

⁹Hiziqiyaasino dhibbunni hurihu gedensaanni galatu faarso fushshi:

¹⁰Mereerimu diri giddo hee're reenna, diri'yano moorameenna, jeennaate dirreemmoha laweennae yaadoommo.

¹¹Lubbotenni hee're Kaaliiqano dilaeemmo; mannano wole kalaqamano illetenni diafeemmo.

¹²Heeshsho'ya hedeweelcho dirrinse xaanxanni dukkani, allaalaasinennihu gedeeta ikkitino; ganne gundanni hee'nenni tayinsoonni uddano gede ikkitino; Kaaliiqino heeshsho'ya haransino yee hedoommo.

¹³Sooda geeshsha cince agadheemmo; ati kayinni doobbiichu gede miqqa'ya hiiqqaqqootto. Hashshanna barra shettote giddo tugoottoe.

¹⁴Ududdote gede raaroommo; dadille lembooli gede ikke uroommo. Iima hige la"anna, ille lowo geeshsha daafurtinoe. Mooticha'ya ballo, kunni qarrinni gatisie!

¹⁵Konne baalanka coyi'rinoehunna assinohu Kaaliiqaatina, ani hige ma yeemmo? Lowo geeshsha caaccaawoommo daafira, goxano gibbinoe.

¹⁶Kaaliiqa, lubbotenni worattoehu ateetina, lubbo'yara fooliishsho uyise. Fayyinate'yano qolie; hee'reemmo gedeno assie.

¹⁷Iillinoe qarri anera danchummateeti; baxillikkinni lubbo'ya baote balenni agarattoe; cubbo'ya baalankano agurattoe.

¹⁸Jeennaateho hee're galatannohehu mittuno dino; reyitinori digalattannohe; reyite madaarantinori ammanamakki dihexxitanno.

¹⁹Xa ani galateemmohe gede, lubbotenni noori callu galattannohe; annuwa oosonsara halaalaanchimmakki kultanno.

²⁰Kaaliiqi gatisannoe; kunnira lubbotenni hee'noommo geeshsha, isi mine galatu faarso maasinqotenni faarsineemmo.

²¹Ani Isayaasi moote Hiziqiyaasira balasete laalo baqa gannannisi gede kuloommo.

²²Isi kayinni, «Hure Qullaawu Minira ha'ra dandeemmota mayinni afeemmo?» yee xa'minoe.