Read Sidama_Qullaawa _Maxaafa LEEWAAWOOTA 13 Bible Online

LEEWAAWOOTA 13 - Sidama_Qullaawa _Maxaafa bible

LEEWAAWOOTA 13

²«Aye manchirano bisisi aana darshe, shifi yee fulannorinna baararre fulte taraawanno dhibbi gogunnihura soorranturo, qeesichunniwa haa'ne abbinona.

³Qeesichuno manchu bisi aana noo dhibba seekke laeenna, hatte basera noo dananchi waajji'reenna dhibbuno giddora einoha ikkiro, taraawanno dhibba gogunniho yaate. Qeesichu konne coye buuxihu gedensaanni, manchu lagaawinota egensiisona.

⁴Bisisi aana fultino baararre waajjo ikkiturono, giddora e'inokkita ikkituronna aanaho fulino dananchi waajji'rinokkiha ikkiro, qeesichu mancho 7 barri geeshsha mannuwiinni badona.

⁵Qeesichu lamalki barra mancho galagale laeenna, dhibbu lexxinokkihanna bisisi aana taraawinokkiha ikkiro, lede 7 barra mannuwiinni badona.

⁶Xaano qeesichu lamalki barra lede laona; dhibbu hala'linokkihanna gogisira taraawinokkiha ikkiro, hafuro ikkino daafira, qeesichu manchu keeraa'minota egensiiseenna imaanasi hayishshi're keeraa'mona.

⁷Umosi qeesichaho leellisheenna keeraa'masi egensiisihu gedensaanni, hafuru bisisi aana lexxiro kayinni, galagale qeesichunniwa shiqona.

⁸Qeesichuno galagale lae, dhibbu bisisi aana hala'linota buuxiro, taraawannoha gogu dhibba ikkino daafira, seeru garinni lagaawinota egensiisona.

⁹«Aye manchono taraawannohu gogu dhibbi amadisiro, haadhine qeesichunniwa abbe.

¹⁰Qeesichu laeenna, danancho waajjo assitannoti waajjo mada bisisi aana heedhuronna maliituro,

¹¹giddora einoha taraawanno dhibba gogunniha ikkino daafira, qeesichu konne mancho mannuwiinni bade keeshshiisha agure, lagaawinota egensiisona.

¹²«Gogu aana fulino dhibbi umunni lekkate geeshsha iillinoha ikkiro,

¹³qeesichu galagale laona; dhibbu manchoho biso raawe amadinoha ikkiro, manchu seeru garinni keeraa'minota egensiisona. Bisisi gudisame waajji'rinoha ikkiro, manchu seeru garinni keeraa'minoho.

¹⁴Ikkollana, maalu leellino mada ikkituro, seeru garinni hakkawoyinetenni lagaawinoha ikkanno.

¹⁵Qeesichu galagale laeenna, madate maalu leellinota afiro, lagaawinota egensiisona; tini mada taraawanno dhibbi gogunnihunnite yaate. Manchuno lagaawinoho.

¹⁶Tini mada hurte waajjo ikkituro, manchu galagale qeesichunniwa marona.

¹⁷Qeesichu lae mada waajjidhinota buuxiro, manchu seeru garinni keeraa'mino daafira, qeesichu keeraa'masi egensiisona.

¹⁸«Mittu manchira bisoho darshe hurinosiri hee'reenna,

¹⁹hatte basera waajjo darshe woy duu'mite heedhenni waajjidhino baararre anfiro, manchu qeesichunniwa shiqona.

²⁰Qeesichu laeenna dhibbu giddora einoha ikkironna aanaho noo dananchi waajji'rinoha ikkiro, qeesichu manchu lagaawinota egensiisona. Kuni taraawanno dhibbi gugonnihu darshetenni kalaqaminoho.

²¹Qeesichu la"anno woyite, aanaho noo dananchi waajji'rinokkihanna dhibbuno giddora einokkiha mereerimu daniha ikkiro kayinni, mancho 7 barri geeshsha mannuwiinni badona.

²²Hakku mereerimu dani hala'liha ikkiro, taraawanno dhibba gogunniha ikkino daafira, qeesichu manchu lagaawinota egensiisona.

²³Bisoho hala'likkinni noowa calla keeshshiro kayinni, mada fushshitino bassa ikkino daafira, qeesichu manchu keeraa'minota egensiisona.

²⁴«Bisu giira itteenna waajji'riro, woy duu'me hee'renni waajji'riro,

²⁵qeesichu laona; bassunna aanasi noo dananchi waajji'rinohanna giddora einoha ikkiro, giirammetenni kalaqaminoha taraawanno dhibba gogunniha ikkino daafira, qeesichu manchu lagaawinota egensiisona.

²⁶Bassu aana fulino dananchi waajji'ra hoogiro, mada giddora e'inokkitanna hurtanni noota labburo, qeesichu mancho 7 barri geeshsha mannuwiinni badona.

²⁷Lamalki barra qeesichu qole laona; dhibbu bisu aana hala'lanni noota afi'ro, taraawanno dhibba gogunniha ikkino daafira, manchu lagaawinota qeesichu egensiisona.

²⁸Mada hala'litinokkitanna mereerimu danita ikkituro, taraawanno dhibba gogunniha di"ikkino; giirate bassa ikkino daafira, manchu seeru garinni keeraancho ikkinota qeesichu egensiisona.

²⁹«Labbaahu, woy meyate umi aana woy gaccu aana mada fulturo,

³⁰qeesichu mada laeenna, giddora e'inota ikkituronna aanaho fulino dananchi shawala ikkiro, qeesichu manchu lagaawinota egensiisona.

³¹Ikkirono, qeesichu mada la"anno woyite, giddora ea hoogguronna dananchu shawala hoogiro, qeesichu mancho 7 barri geeshsha mannuwiinni badona.

³²Qeesichu 7 barri gedensaanni mada laeenna hala'la hoogguro woy dananchu shawala hoogironna madano giddora e'inokkiha ikkiro,

³³mada calla agurre danancho meendona. Qeesichuno mancho 7 barra mannuwiinni badona.

³⁴Lamalki barra qeesichu mada galagale laeenna, bisu aana hala'lanna giddora ea hoogguro, qeesichu keeraa'minota egensiisona. Manchu woy mancho imaanansa hayishshidhe keeraa'mitona.

³⁵Keeraa'mansa egensiinsihu gedensaanni, hatti mada hala'lite leelturo kayinni,

³⁶qeesichu galagale laeenna, mada bisu aana hala'litinoha ikkiro, lagaawa egennantinota ikkitino daafira, dananchu shawala agara dihasiissanno.

³⁷Ikkollana, mada qeesichu laeenna qoortanni noohanna kolishshu dananchi aanaho fulinoha ikkiro mada hurtino yaate; keeraa'mitino daafira, qeesichu keeraa'mansa egensiisona.

³⁸«Labbaahura woy meyatera bisu aana baararre fulturo,

³⁹qeesichu lamenka laeenna, baararre fultino bayichi dana shiima geeshsha calla soorraminoha ikkiro, gawajjo abbannokki dhibba ikkino daafira, seeru garinni keeraa'mitinoreeti.

⁴⁰«Manchu umu goofeenna baddaamo ikkiro keeraanchoho.

⁴¹Albiidinni umu goofeenna baddaamo ikkirono keeraanchoho.

⁴²Ikkollana kayinni, baddete aana duu'mite heedhenni waajjidhino mada fulturo, hakku taraawanno dhibba gogunniho yaate.

⁴³Qeesichu laeenna, duu'me hee'renni waajji'rinoha gogu dhibba taraawannoha lawiro,

⁴⁴taraawanno dhibba gogunniha ikkino daafira, manchu lagaawinoho; umisi aana noo madanni kainohunni manchu lagaawinoha ikkinota qeesichu egensiisona.

⁴⁵«Togooha taraawanno dhibba afi'rino manchi, daddadhamino imaana uddi'rona; umono fixxi'roonke; sanonna afoo dhiphe, ani lagaawoommohona shiqqi yitinoonte, yaanni lallawona.

⁴⁶Taraawanno dhibbi aanasi noo geeshsha, lagaawinoha ikkino daafira, qachu gobbaanni fule fayyu manniwiinni baxxe hee'rona.

⁴⁷«Ge'reewu ordanni woy fuuttunni gannoonniha aye imaanano taraawanno dhibbi kisiro,

⁴⁸imaana gannanni uduunninni woy angatenni gannoonni imaani woy ge'reewu ordanni woy fuuttunni gannoonni imaani woy gogu imaani aana,

⁴⁹dana haanji're woy duumo ikke leelliro, taraawannoha gogu dhibba ikkino daafira, qeesichaho leellinshona.

⁵⁰Qeesichuno konne laihu gedensaanni, kuni dhibbi kisino imaana, 7 barri geeshsha mittowa cufe keeshshiishona.

⁵¹Lamalki barra galgale la"anno woyite, imaanu aana hala'lanni ha'rannoha ikkiro, hakku imaani lagaawinoho;

⁵²konne lagaawino imaana qeesichu giire hunona.

⁵³«Ikkollana kayinni, qeesichu la"anno yannara, dhibbu imaanu aana hala'linokkiha ikkiro,

⁵⁴imaana hayishshe lede 7 barri geeshsha addiwa bade worona.

⁵⁵Kuni dhibbi kisino imaana hayishshinihu gedensaanni, qeesichu galagale laeenna, dhibbu hala'linokkiha ikkiro nafa, danu soorrama hoogiro lagaawinoho. Dhibbu giddoono ikko gobbaano hee'riro, imaana giirrona.

⁵⁶Imaananna gogu uduunne baala hayishshinihu gedensaanni, qeesichu la"anno yannara, mereerimu daniha ikkiro, hakkonne darga calla dare hoolona.

⁵⁷Ikkollana kayinni, kuni dhibbi galagale higannohanna hala'lannoha ikkiro, hakkonne imaananna gogu uduunne baala gudinse giirrona.

⁵⁸Imaananna gogu uduunne baala hayishshineenna kuni dhibbi baiha ikkiro, galagalchine hayishshineenna seeru garinni keeraawanno.

⁵⁹«Imaana gannanni uduunninni woy angatenni gannoonniha ge'reewu ordaha woy fuuttu imaani woy gogunni seekkinoonnireno ikkiro, kuni dhibbi kisino imaaninna gogu uduunni baalu keeraa'mannohunna lagaawannohu kunni garinniiti» yiinsa.