Read Sidama_Qullaawa _Maxaafa LEEWAAWOOTA 2 Bible Online

LEEWAAWOOTA 2 - Sidama_Qullaawa _Maxaafa bible

LEEWAAWOOTA 2

¹«Aye manchino ane Kaaliiqira gidu fushshaate abbanno yannara, liiqaabbino bullee shiqishe, aanaho zayite dune hixaana giirona.

²Aarooni sircho ikkitino qeesootiwa haa're abbona. Qeesichuno zayitenna hixaanu aanaho noo bullee mitto hoowo wo'ma haa're, kakkallanni darga masse shilqishona; giirre shiqinshanni kakkalo shilqonnite fooli anera tashshi yaannoe gede, wo'munku aneha ikkinota egensiisate kakkallanni dargira haadhe massitona.

³Gatinohu gidu fushshaati qeesootunniha ikkona. Kuni, anera shilqinshannihunni bande gatinsoonniha ikkinohura lowo geeshsha qullaawaho.

⁴«Gidu fushshaati raino tima ikkiro, shiishinokkiha ikkona; liiqo bullee zayitetenni liinse du'ma tima gannona; woy shaashshine tima ganne zayite aanaho buurronna.

⁵Gidu fushshaati mixashshote gannanniha ikkiro, liiqo bullee zayitetenni liinsoonnita shiishshukkinni gannona.

⁶Timano hiiqqaqqitine aanaho zayite duntine gidu fushshaate assitine shiqishshinanni.

⁷Gidu fushshaati xiltaame mixashshora rainsoonniha ikkiro, liiqo bulleenninna zayitetenni qixxeessinona.

⁸Kunni garinni qixxaawino fushshaate haadhine anera shiqishshinanni; qeesichaho uyitineenna kakkallanni dargira haa're massanno;

⁹gidu fushshaati wo'munku anera shiqinshoonniha ikkinota egensiisate, foolesi anera tashshi yaannoha asse kakkallanni darga masse shilqishanno.

¹⁰Gatino gidi qeesootunniho; kunino anera shiqinshoonnihunni bande gatinsoonnniha ikkinohura lowo geeshsha qullaawaho.

¹¹«Ane Kaaliiqira shiqinshannihu gidu fushshaati shiishinoha woy malawo ikkiro, shilqisha dihasiisanno'ne.

¹²Gidi'nenni umiha abbitinanni woyite, shiishinohanna malawo kayinni babbaddine shiqisha dandiitinanni; ikkollana kakkallanni darga shilqinshanni kakkalo assitine shiqisha didandiitinanni.

¹³Shiqishshinanni fushshaati baalaho maxine worre; maxine anenna ki'ne mereero noo gondooro kultannotena, fushshaati'nera maxine worre.

¹⁴«Anera abbitinannihu gidunnihu umi fushshaati, daddarroonnita woy du'rinshoonni shoye ikkitona.

¹⁵Gidu fushshaatira, zayitenna hixaana aanaho worre.

¹⁶Qeesichuno hixaananna daddarroonni gide zayitete ledo haa're, wo'munku anera shiqinshoonniha ikkinota egensiisate kakkallanniwa haa're shiqishanno.