Read Sidama_Qullaawa _Maxaafa LEEWAAWOOTA 3 Bible Online

LEEWAAWOOTA 3 - Sidama_Qullaawa _Maxaafa bible

LEEWAAWOOTA 3

¹«Aye manchino saadasi giddonni mittimmate kakkalo Ane Kaaliiqira shiqishanno woyite, muso afi'rinokki booto woy saa doore abbona.

²Shiqishanno saada aana angasi worona; Xaadu Dukkani xullichira masse gorrona; qeesootu mundee haadhe kakkallanni darga shoolente maddera wixxona.

³Mittimmate kakkalo giddonni, godowiru coomi baalu, mulunna aanasi noo coomi, hattono qaccete afale ane Kaaliiqite.

⁵Qeesootu konne baala wole shilqinshanni kakkalo ledo kakkallanni darga massite shilqishshona; tenne kakkalo fooli anera tashshi yaannoha ikkanno.

⁶«Mittimmate kakkalora lalu darga, meu woy ge'reewu giddonni muso afi'rinokki goco woy meicho shiqishshinanni.

⁷Ge'recho kakkaltinanniha ikkiro, haadhine Xaadu Dukkani xullichira abbe;

⁸shiqishannohu ge'rechu umi aana angasi worona; hakkunni gedensaanni gorrona; qeesootu mundee haadhe kakkallanni darga shoolente maddera wixxona.

⁹Mittimmate kakkalo giddonni coomu, dugugguru mule noohu farru coomi, godowiru coomi baalu, mulunna aanasi noo coomi, hattono qaccete afale anete.

¹¹Qeesichu konne baala ane Kaaliiqira sagalete fushshaate asse kakkallanni darga masse shilqishona.

¹²«Mittu manchi kakkalote meicho uyiro, haa're Xaadu Dukkani xullichira abbona.

¹³Angasi meichote umi aana worihu gedensaanni, Dukkanu albaanni gorrona; qeesootuno mundee haadhe kakkallanni darga shoolente maddera wixxona.

¹⁴Shiqishanno kakkalo giddonni, godowiru coomi baalu, lamunku mulinna aanaho noo coomi, hattono qaccete afale ane Kaaliiqite.

¹⁶Qeesichu konne baala sagalete kakkalo asse shilqishoena; tenne kakkalo foolino anera tashshi yaannoha ikkanno. Coomu baalunku aneho.

¹⁷Hee'riwano hee'riha ikkiro, Israeelete sirchi baalu mundeete ledo noo maala woy cooma itoonke. Tinino hegere geeshsha agarranni wogaati» yii.