Read Sidama_Qullaawa _Maxaafa ERMIYAASI 15 Bible Online

ERMIYAASI 15 - Sidama_Qullaawa _Maxaafa bible

ERMIYAASI 15

¹Kaaliiqi, «Musenna Saamueeli huucciteennae nafa konne manna dimaareemmona, albi'yanni ho'lanno gede assi.

²Insano, ‹Hiikka hingo› yituhero, ani Kaaliiqi yoommota, ‹Dhibbu shaanno yinoonniri, dhibbunniwa hadho; olu shaanno yinoonniri, olunniwa hadho. Hudetenni reyitanno yinoonniri, hudenniwa hadho. Qafadantanno yinoonniri, qafadante hadho› yite kulinsa.

³Shoole addi addi doogonni qorichisheemmonsa; kunni daafira, olunni reyiteenna, reeshshansa woshshu goshooshanno. Maalansa allaatte ittanno; gatino raqe moyichu gudanno.

⁴Hiziqiyaasi beetti Minaase Yihudaho moohi yannara, Yerusaalamete assino bunshe daafira, aanansa daanno coyinni daga baala massanno.

⁵«Yerusaalamete manna! Ayi mararanno'ne? Ayi dadillanno'ne? Uurre heedhinoonni gara xa'manno'nehu ayeti?

⁶Ki'ne ane Kaaliiqa gibbinoonnie; anera badhe wodhitinoonnie; xaate kunni ka'a dimarareemmo'ne; anga'ya kayise gane maniisseemmo'ne.

⁷Bubbe fincitanno kuri gede, gobbate aana noo katamma baalate billaalliseemmo'ne. Bushu loosi'nenni kainohunni, ki'ne manna'ya huneemmo; ooso'neno reyitanno gede asseemmo.

⁸Baatto'nera gunnootu, baaru shaafinni roore bati'ranno gede asseemmo; aja manna'ne barru taalootira shee, amuuwansa manchitanno gede asseemmo. Hedeweelcho masillenna yaaddo abbeemmo'ne.

⁹Lamala ooso shiidhino ama, daaqqe foole qo'la hoogganno; barru hashsha ikkannose. Saalunna shollinyu amadannose; lubbotenni heedhinoonnireno, bagadu gudanno'ne gede asseemmo. Konne coye coyi'roommohu ani Kaaliiqaati» yiie.

¹⁰Ama'ya! Anera bayisibao! Hanni ane mayira ilittae? Gobbote aana noo manni baalunku ledo, giwameemmoha ikkoommo. Ayerano diliqiissoommo; ayewiinnino diliqii'roommo; kayinnilla mannu baalu rumannoeha ikkoommo.

¹¹Kaaliiqi, «Halaalintanni ani dancha hedora yee gatiseemmohe; qarrunna mitiimmate yannara, diinikki atera eegamanno gede asseemmo.

¹²Siwiila hiiqqe afannohu nooni? Wolunkunni aliyye siwiila woy camo, hiiqqe afannohu nooni?

¹³Jajjansanna jironsa diinu co'o asse gudhanno; baattote aana loossino cubbi baalu daafira, kunni garinni qorichisheemmonsa.

¹⁴Hanqi'ya xo'annokki giira gede ikke buwanno'ne daafira, egentinoonnikki gobba haa're ha'ranno'ne diinira sayise eemmo'ne» yiino.

¹⁵Hakkunni gedensaanni, «Kaaliiqa ati wo'manka coye egennootto; habbootiena, kaa'lie. Baarigaarra'ya rabbisie; baarigaarra'ya shitaera worte la'ooti; ate su'mira yee xonamanni noommota habbooti.

¹⁶Olantote Magano Kaaliiqa! Qaalekki afi'ranni hee'renni itoommo; ani ateha ikkoommo daafira, qaalikki wodani'yara hagiirrenna hisanyoote wonshinoe.

¹⁷Faasiiqqannori ledo hose dihagiidhoommo; ate anga noommo daafira, giddo'ya wonshoottoha hanqokki mannaho leellishanni, calli'ya ofolle noommo.

¹⁸Dhibbi'ya mayira hura giwie? Mada'ya mayira qoora gibbue? Arro xoanno xashshi gede hexxo mayira mursiisattoe?» yoommo.

¹⁹Kaaliiqi, «Anewa higittoro gatiseemmohe; galagalte anera soqqamatto. Haafare coyi'ra agurte, sirnya coyi'rattoha ikkiro, galagalte himanaancho'ya ikkatto. Mannulla atewa daannona, ati insawa diha'ratto.

²⁰Kunni mannira qiinshoonniha camote huxxa asseemmohe; gatisammoheranna agarammohera ani ledokki noommo daafira, ate ledo olantannota ikkinnina diqeeltannohe.

²¹Bushu manni wolqawiinni gatiseemmohe; kaajjadu anganni wodeemmohe. Konne coye coyi'roommohu ani Kaaliiqaati» yii.