Read Sidama_Qullaawa _Maxaafa ERMIYAASI 18 Bible Online

ERMIYAASI 18 - Sidama_Qullaawa _Maxaafa bible

ERMIYAASI 18

²«Ka'e dora ganannohu minira mari; sokka'yano hakkiicho kuleemmohena» yiie.

³Dora ganannohu minira mareemmo woyite, dora doyitanno qale aana wore gananni no.

⁴Gananni noo uduunnichi suude bushanno woyite soorre wolere seekkanno.

⁵Hatte yannara Kaaliiqi,

⁶« ‹Israeelete manna! Ani ki'ne dora gananno manchi assi gede hasi'rummota assa didandeemmo? Kune doru ganannohu anga noonte gede, ki'neno ane anga heedhinoonni› yite kulinsa» yiie.

⁷Ani mitte gosa woy mitto gashshoote, buqqise woy diige hunate kaummoro,

⁸hatti gosa kayinni aagintaabbe bunshensawiinni higguro, hedoommoha busha coye agureemmo.

⁹Wole widoonni kayinni, kaasate woy dhaawate hedoommo gosa woy gashshootu,

¹⁰ane albaanni busha coye assituronna yoommota gibburo, hedoommonsaha dancha coye dieemmonsa.

¹¹«Kuneeti xa, qorichishammonsara busha coye abbanni noommota Yihudahonna Yerusaalamete hee'ranno mannira kulinsa. Cubbo agurtanno gede, hadhanni noo doogonninna loossanni noo bunshewiinni higganno gede coyi'rinsa.

¹²Insa kayinni, ‹Beebba daafurtooti! Ninke hendoommore diagurreemmo; ronsoommo gede haxawarrimmankenna bunshenke garinni hee'neemmo› yitanno» yii.

¹³Kunnira Kaaliiqi, «Hanni daga xa'me; togoo coye macciishshine egenninoonnini? Israeelete manni macca gibbanno coye assino.

¹⁴Libaanoosi Ilaalla, bullaame kaade guggushshitannokki yanna nooni? Ilaalu aaninni lolahannohu, qiidadu wayi moole egenninoni?

¹⁵Manni'ya kayinni ane hawinoe; kaphu magannara hixaana giirino; magannansano sarraaqqinonsa. Dancha albi doogo agurte, seekkinokki doogo higge hadhe gufidhino.

¹⁶Gobbansa ceeggifantannitanna, mullicho assite agurtino. Hakkaanni hige sa"annohu baalu, mase afoo cu'mi'ranno.

¹⁷Soojjaati bubbe kayissanno buko gede asse, anino insa diininsa albaanni billaalliseemmo. Alba shawwu yee badhe wodheemmonsa; bao daggannonsa woyiteno horonta dikaa'leemmonsa» yii.

¹⁸Mitu mitu manni, «Amme, Ermiyaasi assineemmota mallona. Seera rosiissanno qeesooti, mala kultanno hayyoolenna, himana kultanno himanaano noonkena, isi yaannore macciishsha agurre amme su'masi hunnona» yii.

¹⁹«Kaaliiqa'ya ballo, eeggatena maccakki ane widira qolte, hettisamaano'ya yitannore macciishshi.

²⁰Danchate busha qollannini? Hanqattonsakki gede, insa daafira eegamummota diqaagatto? Insa kayinni anera bale untinoe.

²¹Kunnira oosonsara hude soyi; insano olunni gooffanno gede assi. Meentinsa gunnootanna ilaweeloota ikko; jajjabbu dhibbunni wedellu olunni, gooffanno gede assi.

²²Horritannore hedeweelcho sokkeennansa, minensa raare fulto; anera uweemmo bale untinoe; amaddannoeta woshshaado wortinoe.

²³Kaaliiqa ati kayinni, shitaera gantino gano afoottona, bunshensa agurtooti. Cubbonsano maartooti; qeelante ubbanno gede assi; hanqikkinni xaadinsa» yee huucci'roommo.