Read Sidama_Qullaawa _Maxaafa ERMIYAASI 24 Bible Online

ERMIYAASI 24 - Sidama_Qullaawa _Maxaafa bible

ERMIYAASI 24

¹Baabilooni moote Nabukadanatsoori Yihudu moote Iyoaaqeemi beetto Yoakiini Yihudu gashshaano, angate ogimma afidhinorenna wole egennaammu loosaasine ledo Yerusaalametenni qafade Baabilooni haa're ha'rihu gedensaanni, Kaaliiqi Qullaawu Minira albaanni nooha laalo wo'mitinoha 2 gimboola leellishie.

²Mittu gimboolira yannatenni laaltinoti dancha laalo no; layinki gimboolira itate seekkinokkiti bulaassino laalo no.

³Kaaliiqino, «Ermiyaasi! Maricho la'anni nootto?» yiie. Anino, «Laalo la"anni noommo; dancha laalo illete biiffinote; busha laalo kayinni intannikki gede ikkite ba'inote» yoommo.

⁵«Ani Israeelete Magani Kaaliiqi, qafadote Baabilooni soyummo manna tenne dancha laalo gede asse kiireemmo.

⁶Gawajjantannokki gede towateemmonsa; mineemmonsata ikkinnina didiigeemmonsa; kaaseemmonsata ikkinnina dibuqqiseemmonsa.

⁷Anino ane Kaaliiqa afanno wodana eemmonsa. Hakkunni gedensaanni wo'mu wodaninsanni anewa higganno daafira, manna'ya ikkitanno; anino Maganonsa ikkeemmo.

⁸«Sedeqiyaasinna amaalaasinesi, qoleno Yerusaalametenni Gibitse ha'ri manninna hakkiicho gatihu baalu bulaassino laalo gede ikkanno.

⁹Billaallisoommonsa gobbara gimbannire, xonnannire, cee'minannire, maammaankannire, qacifantannirenna rummannire asseemmonsa.

¹⁰Akaakkansara oommo baattora mittuno gatannokki gede olunni, hudetenninna dhibbunni gudeemmonsa» yii.