Read Sidama_Qullaawa _Maxaafa ERMIYAASI 34 Bible Online

ERMIYAASI 34 - Sidama_Qullaawa _Maxaafa bible

ERMIYAASI 34

¹Baabilooni moote Nabukadanatsoori baalunku gashshooti giddonni lowo olanto doori. Isinna olantosi Yerusaalamenna qooxeessaho noo katamma qassanni heedheenna, Israeelete Magani Kaaliiqi anera,

²«Sedeqiyaasira, ‹Konne katama Baabilooni mootera sayise eenna giire hunanno.

³Atino isi anganni gatte diafatto; qafadamatto; isi angara eatto; albasiinni marte uurratto; isi hasaawisannohe. Hakkunni gedensaanni Baabilooni haa'ne ha'nannihe.

⁴Sedeqiyaasi, yeemmohere macciishshi! Olu kayinni dishaannohe.

⁵Keerunni fooliishshi'ratto; ate albaanni noo mootoollanna akaakkakki reyitu yannara ayirrinyinsara giira giirranni wi'lininte gede aterano hatto giira giirre, «Hunsha mootenke!» yini wi'linannihe. Konne coye coyi'roommohu ani Kaaliiqaati› » yii.

⁶Hakkunni gedensaanni konne himana Yerusaalamete hee'rannohura Sedeqiyaasira kulanni hee'reenna,

⁷Baabilooni moote olanto katama gawajjitu. Hakkiinni sa'e 2 qiinshoonnire Yihudu katamma Lakiishinna Azeqa miiccu.

⁸Sedeqiyaasi manna Borojjimmatenni fushshate Yerusaalamete manni ledo sumuu yiino.

⁹Ibiraawoota ikkitinore labbaahanna meya borojje borojjimmatenni fushshitu. Ayino fiixasi Israeelicha borojjicho assi'rannokki gedeno sumuu yitu.

¹⁰Mannunna roorrootinsa baalu borojjensa wolassitanno gedenna layinkimeeshsho borojje assidhannokki gede sumuu yitu. Sumuu yitino garinni wo'manke borojjimmatenni fushshitunsa.

¹¹Shiima yanna gedensaanni kayinni hedonsa soorrite galagalte borojjimmatenni soqqamannonsa gede assitu.

¹²Hatte yannara Kaaliiqi ane Ermiyaasira,

¹³Israeelete Magani Kaaliiqi, «Ani akaakka'ne Gibitsete gobbanni, borojjimmatenni fushshummo waro insa ledo gondooro eoommo.

¹⁴Kunni gondoori garinni, Ibiraawootu borojji noonsari baalu 6 diro loosiisidhuhu gedensaanni lamalki diro borojjimmatenni fushshitannonsa gede hajajoommonsa. Ikkollana akaakkansa hajajantaeranna yoommore macciishshitara dihasidhino.

¹⁵Kuneeti ki'neno shiima yannara albaanni, higgine ane tashshi assannoe coye assitinoonni. Baalunku ilamansa ikkitino borojje Israeeloota borojjimmatenni fushshate sumuu yitinoonni. Ane magansi'nanniwa Qullaawa Mine gamba yitine alba'yaanni gondooro e'inoonni.

¹⁶Ikkollana gaabbitine badhera higgine su'ma'ya xonsiissinoonni. Mitti mitti'ne meyanna labbaa borojje borojjimmatenni fulanno gede assitinoonnire galagalchitine wolqatenni borojje assidhinoonni.

¹⁷Kunnira ani Kaaliiqi, anera dihajajantinoonnie; ilama'ne Israeele borojjimmatenni fultanno gede diassitinoonninsa. Kunnira ani bagadu, dhibbunna hude shitanno'ne gede wore agureemmo. Ki'ne aana abbeemmo coye la'e gosa baala waajjite huxidhanno.

¹⁸ Yihudunna Yerusaalamete gashshaano, mootete mini roorrooti, qeesootunna albisootu baalu ledo middicha lamewa balka assite mereeroonni higge sa"atenni ane ledo gondooro e'ino. Ikkollana yitino coye agadha gibbe gondooro diigge huntino. Kunnira anino insa middicha assite dartu gede asseemmonsa.

²⁰Shaannonsa diinira sayise eemmo; reeshshansa allaattetenna moyichoho sagale asseemmo.

²¹«Yihudu moote Sedeqiyaasinna roorroota baala shaara hasanno diinira sayise eemmo. Qasa agurte noonsarira Baabilooni moote olantora galagalche sayise eemmonsa.

²²«Kune galagalte higge katama amaddanno gede hajajammoraati; katamano amadde giira qassanno. Yihudu katamma baala mannu hee'rannokkita ona asse agureemmo. Konne coye coyi'roommohu ani Kaaliiqaati» yiie.