Read Sidama_Qullaawa _Maxaafa ERMIYAASI 4 Bible Online

ERMIYAASI 4 - Sidama_Qullaawa _Maxaafa bible

ERMIYAASI 4

¹Kaaliiqi, «Ki'ne Israeelete manni higginanniro anewa higge. Ani giweemmore kaphu maganna huntine anera ammanantiniro,

²‹Heeshshote Magani halaaleeti› yitine halaalunni, taalotenninna sumbetenni xaartiniro, xaaro'ne garaho. Wole gosa baalantino galattannoe; maassi'reemmonsa gedeno huuccidhannoe» yaanno.

³Kaaliiqi Yihudunna Yerusaalamete mannira, «Galo baatto loonse qixxeessinannihu gede, wodana'ne seekkidhe; wixa'neno utu giddo wixidhinoonte.

⁴Ki'ne Yihudunna Yerusaalamete manni, ki'ne ledo eoommo gondooro agadhe. Wodani'ne bunshenni kainohunni, konne gondooro agadha gibbine, cubbu giddo hee'rate hasidhiniro, hanqi'ya giirate gede buwanno; xoyissa dandaannohuno dihee'ranno» yiinsa.

⁵Kaaliiqi, «Baatto baalate aana xurumba ufuuffe; qoonqo'ne naggi assitine raarre; Yihudunna Yerusaalamete manni, qiinshoonni katamma widira hige xooqanno gede kulle.

⁶Aliyye raginni qoomamanna bala abbanni noommona, keeshshikkinni rahe gato noowa xooqanno gede, Tsiyooni katamma doogo leellishshesi.

⁷Doobbiichu maaxaminowiinni fulannonte gede, bagadaanono doobbiichu gede ikkite fultanno; insano Yihuda huntara dagganno. Yihudu katamma co'o yite ba'anno; mittuno dihee'ranno» yiinsa.

⁸Ani Ermiyaasi Israeelete mannira, «Xaa geeshsha Kaaliiqi hanqe noonkena, xiddu imaana uddidhine, dadillitine wi'le» yoommonsa.

⁹Kaaliiqi, «Kuni baalu ikkanno yannara, mootetenna ledosi gashshaanora goonte diheedhannonsa; qeesootu huxidhanno; himanaanono massanno» yiie.

¹⁰Anino, «Kaaliiqa Magano'ya, Yerusaalamete manna mayira dogitto? Goowinsara bise qixxaabbe heedheenna, keere heedhinanni mayira yiitto?» yoommo.

¹¹Bao dagganno yannara ki'ne Yerusaalamete mannira Kaaliiqi, «Giirtanno bubbe moola baattonni ka'e manni'ya aanira dagganno. Tini bubbe woggarte baddannota ikkitukkinni, hakkiinni sa'e lowo geeshsha giirte mooshshitannote. Cubbi'nenni kainohunni tini bubbe co'o assite huntanno'ne» yee kulanno'ne.

¹³«La'e kuneeti diinu olanto, gomichu gede ikkite tunsiisse dagganni no; olunniti faradu gaarensano hombobolattetenni roore rakkannote; faraduno risu gede buuwannoho. «Ki'ne hatte yannara, ‹Bayisibao ba'nummo› yitinanni.

¹⁴Yerusaalame, gata hasi'rittaro wodanikki giddonni bunshe huni; sao giddo wodhite mageeshshi geeshsha keeshshatta?

¹⁵Daani kataminninna Efireemi gaarranni daggino sokkaano busha duduwo dudubbanno.

¹⁶«Manni'ya anera haxawarrinota dagate kulle! Diinu fafo gobbanni daye, Yerusaalamenna Yihudu katama doyissanno. Konne coye coyi'roommohu ani Kaaliiqaati» yii.

¹⁸Yihudu manna, kuni baalunku coyi ikkinohu bushu loosi'nenna busha ha'rinsho'nenni kainohunniiti. Cubbi'ne tenne qaraaro abbino'ne; bisi'ne giddora e"e wodana madiissino'ne.

¹⁹Hayi qarra! Konne qarra baala hiitto ikke cinca dandeemmo? Hayi wodana'ya! Wodani'ya hiitto shafamanni no! Xurumbunna olu luulo macciishshanni, sammi yee cinca didandeemmo.

²⁰Bao baote aana dagganno; gobba baala diigante ona ikkitanno; dukkanna hedeweelcho ba'u; dukkuwano hakkawoyintenni dadhantu.

²¹Diinu baandira wele assanna, olunnihanna xurumbu luulo, macciishshanni hee'reemmohu mamooti geeshshaati?

²²Kaaliiqi, «Manni'ya ane afannokki balalaati; wodancha afidhinokki oosooti; horontanni diqaaggannoreeti. Bunshe loosate lowo geeshsha busultinoreeti; dancha coye assinanni gara kayinni horonta diegentino» yaanna macciishshoommo.

²³Baatto laummo woyite, suudiweelotenna mullichote. Gordo qoleno laoommo; isino xawaabba diafi'rino.

²⁴Ilaallate widira qole laeemmo woyite, huxidhanni no. Gaarrano laoommo; insano shafantanni no.

²⁵Laeemmo woyite mannu dino; cea nafa ba'e gooffino.

²⁶Laeemmo woyite, Kaaliiqi hanqinni kainohunni, dancha shaqqado baatto moola ikkitino; katamma baalano diigante gooffino.

²⁷Kaaliiqi, «Baatto mullicho ikkitanno; co'o yite ba'anno gede kayinni diasseemmo.

²⁸Ani Kaaliiqi coyi'roommo; hedoommo coyeno disoorreemmo; kunninni kainohunni baatto wi'litanno; gorduno tunsicho ikkanno. Ani murci'roommo daafira horonta hedo'ya disoorreemmo» yii.

²⁹Faradunninna digaanunni olantannori canconna luulo macciishshe, katamu manni baalu xooqanno; mitu mitu dubbo hige ba"anno; gattinori goddate giddora e'anno. Baalunku katami, mannu nookkiha mullicho ikkanno; hakkiicho mittuno digatanno.

³⁰Ati ba"ate kaootta Yerusaalame, duume biifado uddano uddi'rakki, culku irra wodhite, gaarikkira kuula buudhakki ma"assitannohe? Ellakki gibbe shitaheraatina, xummekki mittoreno dileddannohe.

³¹Gamaa'mitanni noo manchota labbanno qoonqo macciishshoommo; ilte egentinokki mancho iltanna macciishshinanni qoonqo leeltinoe; tini qoonqo kayinni Yerusaalame foolu lamewa taeenna, angase farri assite, «Baumma! Kune shitaerawe daggu!» yitanni raartanno raareeti.