Read Sidama_Qullaawa _Maxaafa ERMIYAASI 42 Bible Online

ERMIYAASI 42 - Sidama_Qullaawa _Maxaafa bible

ERMIYAASI 42

¹Olantote roorrooti, Yohanaaninna Hoshaiya beetti Azaariyaasi manna baala gamba assidhe ane Ermiyaasiwa dagge,

²«Ninke alba kiiro lowo mannaati; xa kune la"attonte gede shiimu manni callu gantoommo. Kunnira eeggatena, doogo kulannonke gedenna ikkineemmo gara xawisannonke gede Maganokki Kaaliiqa huuccinke» yitue.

⁴Anino, «Maahoyye, yitinoonninte gede Maganonke Kaaliiqa huucceemmo'ne; Kaaliiqi qolanno'nereno maaxummokkinni kuleemmo'ne» yoommonsa.

⁵Hakkunni gedensaanni, «Maganikki Kaaliiqi ate widoonni qole kulinonkere assa hoongummoro, Kaaliiqi afonke.

⁶Seyirono bushirono Maganinke Kaaliiqi yiino gede ikkineemmo. Isi yiinota ikkinummoro baalunku coyi qinaannonke» yitue.

⁷Tonnu barri gedensaanni Kaaliiqi coyi'reennae,

⁸Yohanaani, ledosi noore olantote hajajaanonna manna baala woshshe,

⁹«Huuccammo'nera sokkiniehu Israeelete Magani Kaaliiqi,

¹⁰‹Abboommo'ne bao daafira dadilloommona, tenne baattora heedhiniro uurriseemmo'ne ikkinnina didiigeemmo'ne; kaaseemmo'ne ikkinnina dibuqqiseemmo'ne.

¹¹Baabilooni moote waajja agurre; ani ledo'ne noommo daafira isi anganni gatiseemmo'ne. Togo yoommohu ani Kaaliiqaati.

¹²Ani mararaancho ikkoommo daafira, isono mararanno'ne gede asseenna, ki'ne gobba'nera heedhinanni gede aguranno'ne. Togo yoommohu ani Kaaliiqaati› yiino.

¹³«Magani'ne Kaaliiqi yiinonte gede tenne gobbanni fultinoonte. Gibbine, ‹Dee'ni, olaho woshshinanni xurumbi, olu duduwinna hude nookkiwa ha'ne Gibitsete gobbara hee'neemmo› yitiniro kayinni, ki'ne Yihudu taraare togo yitiniro, Israeelete Magani Olantote Mootichi Kaaliiqi, ‹Hadhine Gibitsete gobbara hee'rate murcidhiniro,

¹⁶hakku waajjitinanni oli iillanno'ne; waajjitinanni hudeno hoode'ne hadhanno; hakkiicho Gibitsete gobbara reyitinanni.

¹⁷Gibitsete gobba ha're hee'ra hasi'rannoha baala olu, hudenna dhibbu gudanno; insa giddonni mittuno digatanno; insa aana abbate hedoommo baonni gatannohu dino› yiino.

¹⁸«Ani Israeelete Magani Olantote Mootichi Kaaliiqi ki'nera kuleemmo coyi, ‹Gibitsete gobba ha'ne hakkiicho hee'neemmo› yitiniro, kunni albaanni Yerusaalamete manni aana abboommo hanqonna aara ki'ne aanano abbeemmo. Mannu ki'ne aana ikkino coye lae masanno; la"anno'nehu baalu qacifatanno'ne; su'mi'neno rumonniha ikkanno. Konne darga layinkimeeshsho dila'inanni yoommo» yiinonsa.

¹⁹Anino qole mannaho, «Ki'ne Yihudu taraare Kaaliiqi, ‹Gibitse hadhinoonte› yee kulino'ne. Anino hadhinannikki gede lede qorophisiiseemmo'ne.

²⁰Ki'ne, ‹Maganinke Kaaliiqi yiinore baala assineemmona, iso huuccinke› yitine wonshitinannikki coye coyi'ra'nenni reyo mulira abbidhinoonni.

²¹Kune techo ani Kaaliiqi yiinore kuloommo'ne; ki'ne kayinni dimacciishshitinoonni.

²²Kunnira, hattenne heedhinara hadhinanni gobba Gibitsennitera olu, hudenna dhibbu gudanno'neta affe» yoommonsa.