Read Sidama_Qullaawa _Maxaafa ERMIYAASI QURTO 5 Bible Online

ERMIYAASI QURTO 5 - Sidama_Qullaawa _Maxaafa bible

ERMIYAASI QURTO 5

¹Kaaliiqa! Ninke aana ikkinore qaagi; kune, shollinyenke lai!

²Iqqinke allaggu anga no; minnankera manni gobba manni hee'ranni no.

³Annuwanke diinu anga reyitu; kunnira amuuwinke gunnoota ikke gatino.

⁴Angeemmo waa woxunni hidhineemmo; giidhineemmo haqqeno hidhinanni hee'noommo.

⁵Shorritannonkeri hoodenkera no; shentoommo; fooliishshono hoongoommo.

⁶Godowa duuwate yine, Gibitsetenna Asoorira anga uyinoommo.

⁷Annuwanke cubbo loossino; xa lubbotenni dino; ninkera kayinni insa loossino cubbi iillinonke.

⁸Borojjunni woyyitinokkiri gadadisse gashshitinonke; angansanni gatisannonkehu mittuno dino.

⁹Manna shitannori katamaho gobbaanni gaangaabbanno; sagalete yine lubbonke sayinse uyinoommo.

¹⁰Hude bisonke giirtino; gogankeno booso bacci gede kolishshiishshino.

¹¹Meentonke Tsiyooni seyantoonni; seennenke Yihudu katammara ugginoonni.

¹²Aja gashshaanonke amande suntoonni; cimeeyyenkeno diayirrinsoonni.

¹³Wedellinke borojju gede gide daahino; labballi ooso haqqe dukke gatantartanno.

¹⁴Geerru katamu waalchira songa agurtino; wedelluno faarsonsa uurrissino.

¹⁵Wodaninkenni hagiirru baino; godo'lenke yaaddote soorrantino.

¹⁶Ayirrinyinke aaninkenni ho'lino; cubbo loonsoommona, ninkera bayisibao!

¹⁷Kunninni kainohunni wodaninke dhiwamino; illenke tunsitino.

¹⁸Kuni ikkinohu, Tsiyooni Ilaali mulla ikke, yeedaala burraaqqannoha ikkino daafiraati.

¹⁹Kaaliiqa, ati kayinni hegerera mootete; gashshootikkino ilamate ilama geeshsha hee'ranno.

²⁰Kageeshshi geeshsha mayira agurittonke? Togo assite mayira hawittonke?

²¹Kaaliiqa! Atewa qolinke; ninkeno hingeemmona, atewa qolinke; albi ayirrinyeno qolte haaroonsinke.

²²Woy horontanni giwoottonkeni? Hanqikkirano gawalo dinoni?