Read Sidama_Qullaawa _Maxaafa HIZIQEELI 13 Bible Online

HIZIQEELI 13 - Sidama_Qullaawa _Maxaafa bible

HIZIQEELI 13

²«Koo manchi beetto, uminsanni kalaqqe himana coyidhanno himanaano Israeelennitera himana kuli; roorsite Kaaliiqi qaale macciishshitanno gede coyi'rinsa:

³«Ani Mootichu Kaaliiqi, hedonsanni kalaqqe himana coyidhannoriranna ajuuja affukkinni, ‹Ajuuja anfoommo› yitannorira tidhitinokki himanaanora aanne'e!

⁴Israeelete manna, himanaano'ne diigamino katami giddo heedhanno yeedaala gedeereeti.

⁵Uwino huxxi widoonni higge uurritannokkihuranna diigaminoha huxxitannokkihura, Kaaliiqi barra Israeele gargarannoseha diafidhanno.

⁶Ajuujansa dharaho; himaninsano kaphoho. Ani kuloommonsahu gede assite himana coyidhanno; ani kayinni disoommonsa. Hatti hakko heedheennanni yitinori wo'mannohu gede assite heddanno.

⁷Anino, ‹La'inanni ajuuja baala dharaho; albillittennire kultinanni himani kaphoho; ani kuloommo'nehu gede assitine himana coyidhinanni. Kayinnilla ani ki'nera coyi'roommori dino› yeemmonsa» yiinoe.

⁸Kunnira, Mootichu Kaaliiqi, «Himani'ne kaphoho; ajuuja'neno dharaho. Kunnira, ki'ne aana hanqunni kaeemmo.

⁹Ki'ne kaphu ajuuja la'inannirinna so'rote himana kultinanni himanaano, ane hanqinni digattinanni. Manni'ya malaho gamba yaanno yannara ledonsa diheedhinanni; Israeelete ilama ledo dikiirantinanni. Gobba'ne Israeele horonta dihigginanni; hatte yannara, ani Mooticha Kaaliiqa ikkoommota affinanni.

¹⁰«Himanaano, ‹Keereholla› yitanni manna'ya so'risiissanno; keeru kayinni dino. Manni'ya mimmito amaddinokki kinna duune kinchu huxxa huxxino; himanaanono dagge aanaho noora buurtino.

¹¹Hakkuri noora buurtu himanaanora, huxxinsa diigamikkinni gatannokkita kullensa. Hanqi'yanni lowo xeena dirriseemmo; kaadete kinna soyemmo; bubbeno dhodhoosse huntanno.

¹²Huxxuno diigamanno; hatte yannara mannu baalu, ‹Huxxaho noora buura ma leddanno?› yee xa'manno'ne» yii.

¹³Kuneeti xaano Mootichu Kaaliiqi, «Buwannohu hanqi'yanni jawaata bubbe soye, kaadete kinna dirrise, xeena barada gane huxxa diigeemmo.

¹⁴Noora buurtino huxxa diige, safote kincho calla agurate hedoommo. Huxxu diigamanno yannara, ki'ne himanaano baalunku reyitinanni; hatte yannara ani Kaaliiqa ikkoommota baalunku afanno.

¹⁵«Kinchu huxxiranna aanasi noora buurturira baalaho, hanqo'ya dirriseemmo. Hatte yannara ki'ne gattinoonnirira, ‹Huxxunna huxxaho noora buurturi dargaho dino› yee kuleemmo'ne.

¹⁶Keeru nookkiha, ‹Keereholla› yitanni Yerusaalame dogganno himanaano diheedhanno. Konne coye coyi'roommohu ani Mootichu Kaaliiqaati» yii.

¹⁷Kaaliiqi, «Xaano koo mancho, uminsanni kalaqe coyi'rannorira gosakki meentira himana kulinsa.

¹⁸Ani Mootichu Kaaliiqi yeemmore, ‹Meento, ki'nera aanne'e! Angate bita usudhitinanni; seedu hoccinni umo xaaxidhinanni. Bita'nenni manna usurtinara heddinanni; konne assitinannihu manna'ya woshshaaddine umi'ne injo seekki'rateeti.

¹⁹Hoowu hayixiranna shiimu timira yitine manni'ya albaanni shollishshinoonnie. Reyannokkiha reyanno yitine, reyannoha direyanno yitinanni. Manni'yano yitinannire ammaneenna'ne, kunni garinni shaatenna gatisate wolqa afidhinoonni› yite kulinsa» yii.

²⁰Kuneeti xaano Mootichu Kaaliiqi, «Heeshshonna reyo hajajate anga'nera usudhitinanni bita giwoommo. Bita'ne tattayise hoole manna'ya woshshaado'ne giddonni fushsheemmo.

²¹Umoho xaaxidhinoonni hocco mulqe hoole, manna'ya layinkita affinannikki gede anga'nenni haa're fushsheemmo. Hatte yannara manni'ya ani Kaaliiqa ikkoommota afanno.

²²«Ani gawajjammora hedoommokkire dancha manna, kapho coyidhinanni hexxonsa mursiissinanni; bushu manni bunshensa agure lubbotenni hee'rannokki gede assitinanni.

²³Kuneeti kunni ka'a kaphu ajuuja'nenna so'risiisanno himani'ne baalu ikkino. Ani Kaaliiqa ikkoommota affinanni gede manna'ya anga'nenni gatise fushsheemmo» yaanno.