Read Sidama_Qullaawa _Maxaafa HIZIQEELI 19 Bible Online

HIZIQEELI 19 - Sidama_Qullaawa _Maxaafa bible

HIZIQEELI 19

¹Maganu, konne wi'lishsha lamunku Israeelete gashshaano daafira kiire wi'leemmo gede kulinoe.

²Amakki hiittoo doobbiichooti! Waajjishanno doobbiyi mereero oosose lossidhino.

³Qolteno mitto beetto lossite ugaaxa rosiissino; isino manna ugaaxe itannoha ikkino.

⁴Daga duduwosi macciishshite, balete giddora eessite amaddinose. Sanote qoroora gane, goshooshshanni Gibitse haadhe hadhinose.

⁵Murcidhe agurta geeshsha agadhitino; hakkunni gedensaanni oosose mereerinni wole lossidhino; isino waajjinanni doobbiicho ikkino.

⁶Lophihu gedensaanni, wolu doobbiyi ledo ugaaxete ha'ri; isino manna ugaaxe ita rosi.

⁷Qiisho hiiqqaqqi; katammano diigi; isi ittananni kainohunni, baattote aana noo manni baalu masi.

⁸Daga iso qasate gamba yitu; mannu baalu dargu dargunkunni dayi; ugaaxennita woshshaadonsa worte amaddusi.

⁹Qoroora gante qafichote giddo worte, Baabilooni mootewa haadhe hadhusi. Ittanasi layinkita Israeelete gaarrara macciishshinannikki gede, cunfe agurrisi.

¹⁰Amakki wayi buicho mule kaasantino haqqicho woyinennite gedeete. Ikkanno geeshshi waa afidhino daafira, woyinete haqqicho daronna gumma shembe yitu.

¹¹Sinnase jawaata ikkitinohura, mootete siqqicho ikkita geeshsha lophitu. Woyinete haqqicho lophite gordo iillitu; lowo sinna afidhinotanna seeda ikkitinota mannu baalu afi.

¹²Kayinnilla hanqino manni, rumushshunkunni buqqise tugi. Gumaseno halallinni ka'anno bubbe mooshshitu; jawaata sinnaseno hiiqqaqqantu; mooltuhu gedensaanni giirantu.

¹³Xa qolte halalla wayi nookkiwa, moola baattora kaasantino.

¹⁴Woyinete haqqichota damatte giira amaddu; sinnasenna gummase giira ittu. Sinna layinkimeeshsho dijawaattannona, mootete siqqichono ikka didandiitanno. Kunni ka'a marro hinge wi'linanni wi'la tenneeti.