Read Sidama_Qullaawa _Maxaafa HIZIQEELI 39 Bible Online

HIZIQEELI 39 - Sidama_Qullaawa _Maxaafa bible

HIZIQEELI 39

¹Mootichu Kaaliiqi, «Koo manchi beetto, Mesheekinna Tubaali gosa gashshannohura Googira himana kuli. Ani hanqunni kaoommosita huwachishisi.

²Albasi wirri asse qole xeerto gobbanni aliyyenni goshooshe abbeemmosi; Israeelete ilaallara gaadanno gede asseemmo.

³Hakkunni gedensaanni, iso gane digaana guracho angasinni, worbicho qiniiticho angasinni tuge aguranno gede asseemmo.

⁴Googinna olantosi, hattono ledosi fultinori garosi baala reyite Israeelete ilaallara ubbanno. Reeshshansano allaattetenna dubbu moyichira sagale asseemmo.

⁵Mullu xawira ubbe gattanno; ani Mootichu Kaaliiqi konne coye coyi'roommo.

⁶Maagoogi baattoranna baaru qaccuwara, mannu yaadikkinni hee'rannowa baala giira qaseemmo. Hatte yannara, baalunku ani Kaaliiqa ikkoommota afanno.

⁷Qullaawu su'mi'ya manni'ya Israeelete mereero egennamanno gede asseemmo; kunni ka'a su'mi'ya xonamara wore diagureemmo. Hakkunni gedensaanni, daga baala ani Kaaliiqi Israeelete Qullaawa ikkoommota affanno» yii.

⁸Mootichu Kaaliiqi, «Yoommo barri dayikkinni digatanno.

⁹Israeelete katammara hee'ranno manni fule, hunnoonniha olu bagado baala: wonqo, digaana, worbicho, amaxxonna daabba baala gamba asse giiranno. Gamba assidhinohuno 7 diro giidhate ikkannonsa.

¹⁰Kunnira, olu bagado giidhitanno daafira, haqqe hiiqqi'ranna kadha dihasiissannonsa; alba horritinonsare qolte rabbate horritanno. Ani Mootichu Kaaliiqi konne coye coyi'roommo» yii.

¹¹Kaaliiqi, «Kuni baalu ikkanno yannara, mannu Reyote Baarira soojjaatoonni hige ha'ranno lagichira, Googira waamamannowa eemmosi. Googinna olantosi baala hakko waamantanno daafira, sa'nanni faro diheedhanno. Kunnira, hakkonne darga, Googi Olanto Lagicha yinanni.

¹²Hakkunni gedensaanni, Israeelootu hakkonne baala reeshsha waante, baatto keereensita geeshsha 7 agana gudannonsa.

¹³Baattote hee'ranno manni baalu, reeshsha waama kaa'lannonsa; ani ayirreemmo barra kunni assootinsanni su'ma adhitanno. Ani Mootichu Kaaliiqi konne coye coyi'roommo.

¹⁴Lamalu agani gedensaanni, baattote aana gatanno reeshshi hee'riro, hase madaare baatto keereensanno manna doorre worranni.

¹⁵Baattote aana ha'rantanni heedhe mannu miqqa affuro, mule malaate worte sa'anno; waamma untannori massite Googi Olanto Lagichira waantanno.

¹⁶Kunni garinni baatto galagalte keeraa'mitanno; hakko qooxeessira olantosi su'minni woshshinanni katami hee'ranno» yii.

¹⁷Mootichu Kaaliiqi, «Koo manchi beetto, ani qixxeessoommonsa kakkalo ittanno gede, allaattenna dubbu moyicho baala ragu ragunkunni woshshi. Mundee agge, maalano itte Israeelete ilaalla aana lowoha hagiirru jila ji'litanno.

¹⁸Kunni garinni bagadaanote maala ittanno; gashshaanote mundeeno agganno. Kuri baalunku maqalloonniri Baasaani gocca ge'reewunnite gede, qolteno goodannu, meu goccanna boottate gede gorrantanno.

¹⁹Konne baalanka manna kakkale gudeemmo yannara, allaattenna moyichu baalu afidhino cooma duubba geeshsha ittanno; mundeeno dimbita geeshsha agganno.

²⁰Ani shiqisheemmo sagale faradunnita, faradaasinennita, olantonnitanna wole bagadaasine maala duubba geeshsha ittanno. Ani Mootichu Kaaliiqi konne coye coyi'roommo» yiie.

²¹Kaaliiqi, «Baattote aana noo daga baala qorichisheemmo yannara, ayirrinyi'ya lowimma la'anno.

²²Israeeleno hatte yannanni kayisse, ani Kaaliiqi Maganonsa ikkoommota affanno.

²³Israeelootu qafadantinohuno ane aana assitino saora ikkinota daga baala affino. Ani badhe wodhe diinnansa shite guddansara wore aguroommo.

²⁴Battensanna bunshensa deerrinni, insara malino qoricha oommo; albano go'loommonsa» yii.

²⁵Mootichu Kaaliiqi, «Xa kayinni Yaiqoobi sircho ikkitinore Israeelete manna marareemmonsa; galagaleno duroonseemmonsa. Qullaawu su'mi'yano xonamannokki gede assi'reemmo.

²⁶Insa waajjishannonsari nookkiha uminsa baattora keerunni heedhanno waro, kunni albaanni ane giwansanni shollitu gara habbanno.

²⁷Ani Qullaawa ikkoommota lowo dagara leellishate, manna'ya hee'ranno gobba diinnansatenni qole abbeemmo.

²⁸Dagate giddora qafadante hadhanno gede assummonsaro nafa, mittuno gatikkinni galagalche gobbansa qoleemmonsa. Kunninni, ani Kaaliiqi Maganonsa ikkoommota manni'ya afanno.

²⁹Ayyaana'ya Israeelete manni aana duneemmo; layinkimeeshsho alba digo'leemmonsa. Ani Mootichu Kaaliiqi konne coye coyi'roommo» yii.