Read Sidama_Qullaawa _Maxaafa HIZIQEELI 41 Bible Online

HIZIQEELI 41 - Sidama_Qullaawa _Maxaafa bible

HIZIQEELI 41

¹Qoleno, Qullaawu Mini mereero noohuwa Qullaawu dargira haa're eessie. Hakka marranni faro bikkita, seendille 3 qaafo ikkitu.

²Hala'linye 5 qaafooti; guraanninna qiniiteenni noo xarra mitte mittenti du'mille 5 cigileeti. Kifileno bikkita seendille 20 qaafooti; hala'linye 10 qaafo ikkitu.

³Hakkiinnino sae giddoyidi kifile ei. Hakkiira sa'nanni faro bikkita seendille 1 qaafo, hala'linye 3 qaafo ikkitu. Guraanninna qiniiteenni noo xarra mitte mittenti du'mille 7 cigileeti.

⁴Mereeri kifile widoonni noota giddoyidi kifile maddetenni maddete geeshsha bikkita, mitte mittenti madde 10 qaafo ikkitu. Hakkiicho, «Kuni Qullaawa Holgeeti» yee kulie.

⁵Hakku manchi Qullaawu Mini xarra bikkita, du'mille 6 cigile ikkitu. Kunni mini ledo xaadinse gaangaawisira minnoonniti mitte mittenti hala'linye 2 qaafo ikkitinoti lowo kifilla no.

⁶Tini kifilla 3 mine mimmitu aana minnoonnite; mittu mittunku mini 30 kifile afi'rino. Mittu mittunku mini aana nooti iimiiditi Qullaawu Miniti gobbayidi xarra woroonni nootenni roore shaaladote. Togo assinoonnihu, Qullaawa Mine iillitukkinni, kifilla hattenne jawa xarra aana uurritino daafiraati.

⁷Kunnira, Qullaawu Mini xarra baala gobbaanni la'nanni woyite, hundunni birxete geeshsha taalo du'mille afidhinota labbanno. Kifilete gobbaanni nooti Qullaawu Miniti gobbayidi xarra gamba assine seekkinoonniha 2 hala'lado fullanni dirima afidhinote. Kunnira, woriidi minnanni ka'ne mereerihanna qaccenniha iillate qarrisannori dino.

⁸Hattenne kifillati gobbayidi xarra du'mille 5 cigileeti. Qullaawu Minira aliyyeenni mittu waalchi hee'ranna, wodiidoonni qole wolu mittu waalchi no. Qullaawu Mini gaangaawira hala'linye 2 qaafonna darate ikkinohu 1 dirimi no. Isino baattotenni ale hige 6 cigile gotti yiinoho. Kuni dirimino, Qullaawu Minira gamba yite minantino kifilla ledo hundasi taashshinoonniho. Qeesootu qixxaabbara minnoonni minnanna kunni baxxino dirimi mereero, Qullaawu Minira aane midaadoho noohu fanu dargi hala'linye 10 qaafo ikkanno.

¹²Qullaawu Minira galchimaanni noohunni fanu dargira qaccete hojja 45 qaafo, godowa 35 qaafo ikkinohu 1 mini no; xarrasi du'milli bikkinita 5 cigileeti.

¹³Hakku manchi Qullaawa Mine gobbayido bikkita, hojja 50 qaafo ikki. Qullaawu Minira badheenni galchimi ragaanni noohu fanu darginni kayise, mineho qaccete xarra geeshsha noo xeertinyi 50 qaafo ikki.

¹⁴Qullaawu Minira albaanni noo dargi, lamenka ragaanni noori fanu dargi ledo mitteenni 50 qaafo ikki.

¹⁵Lamenka ragaanni noo faro sa'nannite ledo, galchimi ragihu minu seendille bikkita 50 qaafo ikki. Qullaawu Minira e'nanni kifile, Qullaawu Darginna Qullaawu Holgira,

¹⁶uullanni masikoottate geeshsha noowa haqqe uddisiinsoonni. Masikoottano diwante no.

¹⁷Qullaawu Miniti giddoyidi xarra waalchuwate aliidi geeshsha, seesiinsoonnite.

¹⁸Dimboonnihu aana noo seesino, saattu haqqehonna kirubeeli misileho. Kifilete gaangaawirano saattunna kirubeeli misilla karsine seekkinoonni. Mittu mittunku kirubeelira 2 albi noosi.

¹⁹Mitto ragaanni mannu albi suude afi'rinohu alba saattichunniwa hige no. Wole ragaanni doobbiichu albi suude afi'rinohu alba wole saattichi widira hige no.

²⁰Uullanni kayise waalchuwate umoonni noo dargi geeshsha, minu gaangaawira noo seesi baalu kunni garinni seekkinoonniho.

²¹Qullaawu Mini waalchi gafo mimmitu ledo taalote. Qullaawu Holgira e'nanniwa albaanni,

²²haqqetenni seekkinoonnihu kakkalote darga lawanno xarapheezzi no. Isino 4 madde noosiha ikkanna, mitte mittenti madde 2 cigileeti; hojjano 3 cigileeti. Madde irkissanno tuuqqa, hundanna midaado haqqetenni seekkinoonnireeti. Manchuno, «Kuni Kaaliiqi albaanni hee'ranno xarapheezzaati» yiie.

²³Sa'nanniwa qaccete Qullaawu Minira e'nannihu mittu waalchi no. Qullaawu Holgira sa'nanniwano qaccete wolu waalchi no.

²⁴Mittu mittunku waalchira lamewa fa'nantannori 2 cufanna no.

²⁵Xarrate aana seesiinsoonni garinni, Qullaawu dargi cufanna aana kirubeelitanna saattu haqqe misilla seekkinoonni. E'nanniwa noo kifilera gobbayidi ragaanni sa'nanni farora aleenni hige noo darga diwannohu haqqunni seekkinoonni tuani no.

²⁶Tenne kifilera midaadoho masikootta no. Xarrano saattu haqqe misilenni seesiinsoonnite.