Read Sidama_Qullaawa _Maxaafa HOOSEI 1 Bible Online

HOOSEI 1 - Sidama_Qullaawa _Maxaafa bible

HOOSEI 1

¹Ooziya, Iyoaataami, Akaazinna Hiziqiyaasi Yihudaho hoode hoodete mookku yannara, Yoaasi beetti Iyorbiaamino Israeelete moohe hee'reenna Kaaliiqi Bieeri beetti Hooseira kulinosi himani kunninni aane nooho.

²Kaaliiqi Hoosei widoonni qole mannisira qaalesi kula hanafi woyite Hooseira, «Manni'ya ane Kaaliiqiwiinni baxxe ceeggifachiishannoha foorrete looso loosanni no. Atino hadhe ammanantinokki mancho adhi; iseno ise gedeeta foora ooso iltohena» yiisi.

³Hooseino ha're Dibilayimi beetto Gomeeri adhi. Iseno godobbe labbaa beetto iltusi.

⁴Hakkunni gedensaanni Kaaliiqi Hooseira, «Yehunna ilamasi Iyiziraeelete shitino manni daafira, minisi manna qorichisheemmo yanna difaffino. Israeelete gashshoote hakko gawa'lanno gede asseemmo. Hatte yannara Israeelete olanto Iyiziraeeli lagichira cancaneemmo. Kunni daafira beettikkira su'ma, Iyiziraeeli[1] yite fushshi» yiisi.

⁶Gomeeri layinkimeeshsho godobbe meya beetto iltu. Kaaliiqino Hooseira, «Israeelete mannira kunni ka'a baxille'ya dileellisheemmonsa; diinomaareemmonsa. Kunni daafira beettokkira su'ma, Loruhaama[2] yite fushshi.

⁷Yihudu manna kayinni marareemmo. Ani Maganinsa Kaaliiqi gatiseemmonsa; gatiseemmonsahuno olunni di"ikkino. Bisetenni, digaanunni, maxxunni, woy faradunna faradaasinetenni di"ikkino» yii.

⁸Gomeeri qaaqqosera unuuna hooltuhu gedensaanni galagalte godobbe labbaa beetto iltu.

⁹Kaaliiqi Hooseira, «Kunni ka'a Israeelete manni aneha di"ikkanno; anino insa Magano di"ikkeemmo. Kunni daafira beettikkira su'ma, Loaami [3] yite fushshi» yiisi.

¹⁰Israeelete manni batinyi kiirrara woy bikkinara dandiinannikkihu baaru shaafi geeshshiha ikkanno. Kaaliiqi, «Manna'ya di"ikkitinoonni» yiinsarono, hakko heedheennanni, «Heeshshote Magani ooso» yinanninsa yanna dagganno.

¹¹Hatte yannara Yihudunna Israeelete manni gamba yee mitto ikke, gashshannoha mitto albisa doodhanno. Galagale hige umisi baatto aana jirotenni lophe hee'ranno. Kuni barri Iyiziraeelira[4] jawa barra ikkanno.