Read Sidama_Qullaawa _Maxaafa AMOOTSI 3 Bible Online

AMOOTSI 3 - Sidama_Qullaawa _Maxaafa bible

AMOOTSI 3

¹Israeelete manna! Gibitsetenni fushshoommo'nerira baalaho ani Kaaliiqi coyi'roommo coye macciishshe:

²Baattote aana hee'ranno manni baalu giddonni, ani dooroommori ki'ne calluwaho. Loossinanni cubbi baalaho, qorichisheemmo'nehuno kunniraati.

³Lamu manchi sumuu yitukkinni, mitteenni hadhannoni?

⁴Doobbiichu dubbu giddo ugaaxe itannore afi'rikkinni, mulla ittanannoni? Ugaaxe mittoricho amadikkinni, noowa hee're gurura"annoni?

⁵Cea ittannore woshshaadote aana affukkinni, woshshaadote giddora e'e amadantannoni? Woshshaadono mittoricho amaddukkinni ka'annoni?

⁶Katamu giddo, olaho kakkayisate, xurumba ufuunfanna macciishshe, waajje huxi'rannokkihu nooni? Kaaliiqi hajajikkinni qarru daannoni?

⁷Mootichu Kaaliiqi go'lino coye, soqqamaanosi himanaanote balaxe kulikkinni, mitto coyeno diassanno.

⁸Doobbiichu ittananna macciishshe, waajjannokkihu ayeti? Mootichu Kaaliiqi go'lino coye kuleennasi, himana coyi'rannokkihu nooni?

⁹Gibitsenniteranna Ashidooditera, kinchunni huxxinoonni katammara heedhannorira baalaho: Samaariyu qaccera noo ilaalla aana gamba yiiyye; hakkiicho noo wottonna, assinanni beebba baala la'e yitine lallabbe.

¹⁰Kaaliiqi, «Kuni manni danchare assa diegennino. Wolqatenninna beebbatenni adhitino jajja, kinchunni huxxinoonni katammara wonshidhanno.

¹¹Kunnira diinu gobbansa doyisse amadanno; kinchunni huxxinoonnita katammansanna, qiishonsa soqanno. Ani Mootichu Kaaliiqi konne coye coyi'roommo» yii.

¹²Kaaliiqi lede, «Samaariyu giddo qawaaxxidhenna, la'mite heedhanno Israeelooti, boodu callu gattanno; hakkuno allaalaanchu doobbiichu afiinni gatisino cagi ge'rechonnihu ledo mittoho» yii.

¹³Olantote Mootichi Kaaliiqi, «Konne coye macciishshe; Yaiqoobi sirchono qorophisiisse.

¹⁴Loosino cubbi daafira, Israeelete manna qorichisheemmo barra, Beeteli Katami giddo nooha kakkalote darga diigeemmo; kakkalote darga noo buuddano, hiiqqaqqante baattote aana ubbanno.

¹⁵Hawadinna arri minnansa baala huneemmo; daaniichu hinkonni biifinse, minnoonni minnansa baala diigantanno; lowiddaanna minna baala to'anno» yii.