Read Sidama_Qullaawa _Maxaafa KIIRO 1 Bible Online

KIIRO 1 - Sidama_Qullaawa _Maxaafa bible

KIIRO 1

¹Israeelete manni Gibitsete gobbanni fulihunni layinki diro, layinki aganira umi barra, Siina Halallittera heedheenna Qullaawu Dukkani giddo hee're Kaaliiqi Musera,

²«Atinna Aarooni Israeelete manna ga're ga'rensanna ayiddi ayiddinsanni, lemuu dirinni kayise ale hige nooha ola dandaannoha labbaaha baala kiirtine su'mansa borreesse.

⁴Mitte mittente ga'rera giddonsanni roorricha doortine kaa'lanno'ne gede asse» yii.

⁵Yinoonni garinni ga're ga'rentenni kiirroonniri Israeelete minni roorrooti: Roobeeli ga'renni Shedeuuri beetti Elsuuri,

⁶Simiooni ga'renni Sursedayi beetti Shelumieeli,

⁷Yihudu ga'renni Aminaadaabi beetti Neisooni,

⁸Yisaakoori ga'renni Tsuaari beetti Naatinaeeli,

⁹Zaabilooni ga'renni Helooni beetti Eeliyaabi,

¹⁰Efireemi ga'renni Amihuudi beetti Elishamai, Minaase ga'renni, Phedaatsuuri beetti Gemaalieeli,

¹¹Biiniyaami ga'renni, Gidiooni beetti Abidaani,

¹²Daani ga'renni, Amishaadayi beetti Ahiezeeri,

¹³Aseeri ga'renni, Okiraani beetti Faagieeli,

¹⁴Gaadi ga'renni, Deueeli beetti Eeliyaasaafi,

¹⁵Niftaalemi ga'renni Enaani beetti Ahiraaiiti.

¹⁶Ga're ga'rentenni doorroonniri Israeelete manni roorrooti insaati.

¹⁷Musenna Aarooni kuni tonaa lamunku manni kaa'lannonsa.

¹⁸Layinki agani eihunni umi barra manna baalanka gamba assite, ga're ga'retenninna boosaallu boosaallunni beekkuhu gedensaanni dirinsa lemoonna lemuu aleenni ikkino manna baala kiirte su'mansa borreessitu.

¹⁹Kaaliiqi hajajinosinte gede Muse manna halallitte gobbara Siina kunni garinni kiirino.

²⁰Yaiqoobihu bayiru beetti Roobeeli sirchinni kayise lemoo diro ikkinonsarenna olama dandiitanno labballo baala boosaalli boosaallinsanna mini mininsa kiiro garinni su'mansa borreessini. Kiironsano kunninni aante noote: Roobeeli ga'renni 46,500; Simiooni ga'renni, 59,300; Gaadi ga'renni, 45,650; Yihudu ga'renni, 74,600; Yisaakoori ga'renni, 54,400; Zaabilooni ga'renni, 57,400; Yooseefi beetti Efireemi ga'renni 40,500; Yooseefi beetti Minaase ga'renni, 32,200; Biiniyaami ga'renni, 35,400; Daani ga'renni, 62,700; Aseeri ga'renni, 41,500; Niftaalemi ga'renni, 53,400;

⁴⁴Kunni garinni kiirroonni Israeele mitteenni 603,550 mannaati.

⁴⁷Leewi ga're kayinni wolootu ledo dikiirroonni.

⁴⁸Kiira hoongoonnihuno Kaaliiqi Musera,

⁴⁹«Olaho ikkanno labballo kiiratto woyite Leewi ga're kiirtooti.

⁵⁰Insa Qullaawa Dukkananna giddo noo uduunne towattannore assi; Qullaawa Dukkananna giddo noo uduunne dukkanno gede, towattanno gedenna dukkannansano Qullaawu Dukkani qooxeessira qasidhanno gede assi.

⁵¹Heedhinoonni darga agurtine hadhinanni yannara, Leewaawootu callu Dukkana noowiinni kayisse haaru qachira massite qassanno; insa agurranna Dukkanunniwa shiqqi yaannohu baalu reyo.

⁵²Wolootu Israeelooti kayinni sumudi sumudinsa garinni gaamante ofoltona.

⁵³Ayino Dukkanunniwa shiqqi yee ane hanqise Israeelete manna gudisiisannokki gede, Leewaawootu dukkannansa Qullaawu Dukkani gaangaawira qasidhe agartona» yii.

⁵⁴Kunni garinni Israeele Kaaliiqi Muse widoonni qole hajajino coye baala wonshitu.