Read Sidama_Qullaawa _Maxaafa KIIRO 12 Bible Online

KIIRO 12 - Sidama_Qullaawa _Maxaafa bible

KIIRO 12

¹«Itiyophiyitte adhino» yite Maariyaaminna Aarooni Muse bushiishshusi.

²Insano, «Kaaliiqi Muse widoonnilla coyi'rino? Ninke widoonnino dicoyi'rino?» yitu. Kaaliiqino konne coye macciishshi.

³(Muse kayinni baattote aana noo manni baalunkunni roore joogaho.)

⁴Hedeweelcho Kaaliiqi Muse, Maariyaaminna Aarooni, «Ki'ne sasunku Qullaawu Dukkaniwa amme» yiinsa. Insano ka'e martu.

⁵Kaaliiqino gomichu heelliichonni dirri. Dukkanu waalchira uurre, Aarooninna Maariyaami woshshi. Insano isiwa shiqqi yiteenna,

⁶Kaaliiqi, «Ani yeemmore macciishshe. «Kaaliiqi himanaanchi giddo'ne hee'riro, ajuujatenni leelleemmosi; haaqeetennino coyi'reemmosi.

⁷Borojjichi'ya Muse kayinni, hattooha di"ikkino; baalunku coyira ammanaminoho.

⁸Ani isi ledo xawoho hasaaweemmota ikkinnina, go'lino garinni dicoyi'reemmosi; isino ane illesinni la"anno. Ki'ne soqqamaancho'ya Muse hiitto seyattine, kunni garinni coyidhinisi?» yiinsa.

⁹Kaaliiqi insara lowo geeshsha hanqe agure ha'ri.

¹⁰Isi hanqe ha'ranni hee'reennanni gomichu Dukkanu aaninni kae ho'li. Hakko mereeronni Maariyaami dhiigaabbe dana kaadete gedee waajjo ikkitu. Aarooni caaqqi yee la"anno woyite dhiigaabbe no.

¹¹Isino Muse, «Mooticha'ya eeggatena gowwimmankenni assinoommo sao kiirtootinke.

¹²Maariyaamino amate godowi giddo hee're ree daratu manninatisi goofeenna ilamino aleeshshi gedeeta assitootise» yii.

¹³Museno, «Magano'ya ballo! Eeggatena hursise» yee Kaaliiqiwa hige woxarati.

¹⁴Kaaliiqino Musera, «Annise anja albisera tufoommero nafa lamalu barri geeshsha saalfattanni diheedhanno? Kunnira qachu gobbaanni fulte 7 barra mannuwiinni baxxite keeshshitona; hakkunni gedensaannni higgannona» yee dawarisi.

¹⁵Maariyaamino 7 barra qachaho gobbaanni keeshshitu. Ise hakkiinni higga geeshsha mannu noowiinni dikaino.

¹⁶Hakkunni gedensaanni mannu Hatserootinni kae Faaraani Halalla mare baxxisi'ri.