Read Sidama_Qullaawa _Maxaafa KIIRO 25 Bible Online

KIIRO 25 - Sidama_Qullaawa _Maxaafa bible

KIIRO 25

¹Israeele Shixiimi Lagichira noo yannara, manninsa Moaabi meenti ledo foori.

²Kuni meentino magannansara kakkalloonni kakkalo ittanno gede koyisinsa. Israeelete mannino kakkalo ite Moaabi magannara kumbuuli.

³Kunni garinni Israeele Fegoori gobba magano Ba"aali magansidhu. Kunni daafira Kaaliiqi lowo geeshsha hanqi.

⁴Kaaliiqi Musera, «Israeelete aana buwinohu hanqi'ya qiidanno gede roorrootansa barru taalootira mannu baalu afannowa Qullaawu Dukkanira albaanni[7] shii» yiisi.

⁵Museno Israeelete sooreeyye, «Ga're ga're'ne giddo Fegoori magano Ba"aali magansi'rinoha baala shiiyye» yee hajaji.

⁶Hakkunni gedensaanni Musenna Israeelete manni baalunku Qullaawu Dukkanira albaanni uurrite wi'litanni heedheenna, mittu Israeelichi mitte Midiyaamitte mancho adhe daye dukkanisi giddora eessi'ri.

⁷Qeesichu Aarooni beetti Aliaazaari ilinohu Finihaasi konne coye afe manna hakko agure amaxxo adhe mare,

⁸manchunna mancho noo dukkani giddora e"e, lamenka mitteenni amaxxotenni laddi. Hakkunni gedensaanni Israeele gudanni noo qoomami uurri.

⁹Ikkollana balaxe 24,000 manni qoomamino.

¹⁰Kaaliiqi Musera,

¹¹«Qeesichu Aliaazaari beetti Finihaasi ayirrinyi'yara ane gede xissiisi'rino daafira hanqi'ya qiidino; anino digudoommonsa.

¹²Kunnira isi ledo hegere gondooro e"eemmota kulisi.

¹³Ane Maganisi ayirrinyira xissiisi're Israeelete cubbono agureemmo gede assinoe daafira, isiranna oososira geedonniha qeesimmate gondooro oommosi» yii.

¹⁴Midiyaamittete ledo shinihu Zimiiri anni Saalu Simiooni ga're roorrooti giddo mitikkiho.

¹⁵Shini mancho su'mi Koziibiiti. Tsuri yinannihu annise Midiyaami gosa giddo mitte ga'rera roorrichaho.

¹⁶Kaaliiqi Muse,

¹⁷«Fegoori magano Ba"aali magansidhinanni gede assite xagaratenninna qoomamu dirri yannara shinoonnitenni Koziibinni kainohunni diina'ne ikkitinore Midiyaamoota shitine gudde» yee hajaji.