Read Sidama_Qullaawa _Maxaafa KIIRO 27 Bible Online

KIIRO 27 - Sidama_Qullaawa _Maxaafa bible

KIIRO 27

¹Minaase ga'rehu Selofihaadi 5 seenne ilino. Su'minsano: Mahila, Noa, Hogila, Milkaatinna Tiritsaati. (Selofihaadi Hefooriho, Hefeeri Geleaadiho, Geleaadi Makiiriho, Makiiri Minaaseho, Minaase Yooseefiho.)

²Insano mitto barra Qullaawu Dukkaniwa daye Muse, Aliaazaari, roorrootunna Israeelete manni baalunku alba uurre,

³«Anninke halalli gobbara reyino. Umisi cubbinnilla reyinota ikkinnina Kaaliiqi aana ka'uri Qoreoo ledo xaado diafi'rino. Labballi ooso ilikkinni reyino.

⁴Labbaa beetto hoongo daafira calla su'misi ga'resi giddonni ba"anno? Ayiddinke ledo ninkerano iqqa uuyyenke» yee xa'mi'ri.

⁵Museno coyensa haa're Kaaliiqiwa shiqishi.

⁷«Selofihaadi seenni xa'mi'rino xa'mo garaho; ayiddinsa ledo iqqa adha hasiissannonsana anninsa qeecha iillishinsa.

⁸«Israeelete, ‹Mittu manchi labbaaha ilikkinni reyiro, meya beettosi ragidhona.

⁹Meya beettono noosikkiha ikkiro kayinni roduuwisi ragidhona.

¹⁰Roduuwu noosikkiha ikkiro wosiillasira uuyye.

¹¹Roduuwu woy wosiilla hooggusiro, ga'resi giddonni raggete aaninohura uuyye› yiino'ne yiinsa. Kunino ani Kaaliiqi hajajoommohe garinni Israeelete seeranna wodho ikkonsana» yii.

¹²Mitto barra Kaaliiqi Musera, «Abariimi Ilaala fulte, Israeelete oommo gobba la"atto.

¹³Laitto gedensaanni rodiikki Aarooni gede atino reyatto.

¹⁴Kunnira kaimu, Israeele Tsiini Halalla noo wayi mule anera gara gibbu waro, atinna Aarooni mannu albaanni qullaawa ikka'ya egensiisate ane ayirrissinoonnikki daafiraati» yiisi. (Meriiba, Tsiini Halalla Qaadesi Katamira noo waati.)

¹⁵Muse Kaaliiqira,

¹⁶«Mannu baalunkura lubbo woroottohu Mootichu Kaaliiqi konne manna massagannoha wori.

¹⁷Worattonsahuno, ate Kaaliiqi manni allaalaanchu nookki ge'reewi gedeeha ikkannokki gede gaadaanna ikkannonsa» yii.

¹⁸Kaaliiqino Musera, «Ayyaani'ya noosihura Newe beettira Iyyaasura angakki aanaho wori.

¹⁹Qeesichu Aliaazaarinna Israeelete manni baalunku albaanni uurranno gede assite, mannu afanna ate darga amadannota egensiisi.

²⁰Israeelete manni baalunku atera hajajaminte gede, isirano hajajamannosi gede assi.

²¹Isino qeesichu Aliaazaari ani hedoommore Uriiminni[8] xa'me kulannosire assanno. Iyyaasunna Israeelete manni baalu Aliaazaari widoonni qole kuleemmo garinni galanno» yiisi.

²²Museno Kaaliiqi hajajino gede assi. Iyyaasuno masse qeesichu Aliaazaarinna Israeelete manni baalunku albaanni uurrisi.

²³Hakkunni gedensaanni Kaaliiqi hajajino garinni angasi aanaho wore isi darga amadannoha ikkinota egensiisi.