Read Sidama_Qullaawa _Maxaafa KIIRO 30 Bible Online

KIIRO 30 - Sidama_Qullaawa _Maxaafa bible

KIIRO 30

¹Muse Israeelete ga're sooreeyyera, «Kaaliiqi,

²mittu manchi Kaaliiqira xano xa'niro woy mitto coye assara afoo fuliro, yiinore baala wonsho ikkinnina mittoreno gatisoonke.

³«Annise mine noo beetto Kaaliiqira xano xa'nituro woy mitto coye assitara afoo fulturo,

⁴konne coyeno annise macciishshe hoola hoogisero yitinore baala wonsha hasiissannose.

⁵Annise konne coye macciishshanno yannara, yitinore assitannokki gede hoolisero kayinni, xano wonsha hoogasera dixa'mantanno. Annise hoolinose daafira Kaaliiqi maarannose.

⁶«Xa'nite woy heddukkinni afoo fulte heedhe mine assidhuro,

⁷ayiddaanniseno konne coye afi yannara hoola hoogisero yitinore baala wonsha hasiissannose.

⁸Ayiddaannise afe hoolisero kayinni, yitinore wonsha hoogasera dixa'mantanno. Ayiddaannise hoolinose daafira Kaaliiqi maarannose.

⁹«Galte shiidhinoti woy galtesewiinni agurte hadhinoti kayinni xa'nitino xano woy afoo fultinore baala wonsha hasiissannose.

¹⁰«Ayiddaannise ledo nooti xano xa'nituro woy mitto coye assate afoo fulturonna,

¹¹ayiddaanniseno afe hoola hoogisero yitinore baala wonsha hasiissannose.

¹²Ayiddaannise konne coye afanno yannara yitinore assitannokki gede hoolisero kayinni dixa'mantanno. Ayiddaannise hoolinose daafira Kaaliiqi maarannose.

¹³Xanono ikkito afoo fultino coye baala ayiddaannise haa'rarano giwarano dandaanno.

¹⁴Ikkollana ayiddaannise macciishshanno yannara mittoreno yiikkinni aguriro, yitino coye haa'rino yaate. Kunnira iseno yitino coye wonsha hasiissannose.

¹⁵Macciishshihu gedensaanni keeshshe kae yitinore wonshitannokki gede assiro kayinni, ise saora isi xa'mamanno yiino» yee kulinsa.

¹⁶Mine assidhino manchonna mine assidhukkinni annise mine noo beetto xa'nitino xanonna afoo fultino coye wonshitanno gara kulannohu Kaaliiqi Muse widoonni qole uyino seeri konneeti.