Read Sidama_Qullaawa _Maxaafa MIKIYAASI 2 Bible Online

MIKIYAASI 2 - Sidama_Qullaawa _Maxaafa bible

MIKIYAASI 2

¹Goxxe heedhe bunshenna xagarro maltannorira aanne'e! Hashshinohu soodeenna woyyitino yanna afidhuro heddinore assitanno.

²Hasidhuro manni baatto wolqatenni loosidhanno. Mine hasidhuro manniha giddetenni adhitanno. Manna fugge beeshshite jajjansa adhitanno.

³Kunnira Kaaliiqi, «Horonta gattine affinannikki gede asse aana'ne qarra abbeemmo. Hattenne yannara mitiinsanno qarri iillanno'ne daafira, boo'nitine diaffinanni.

⁴Kuni duuchu ikkanno yannara mannu ki'nere maammaahanni qacifatanno'ne. Ki'ne aana iillino qarrira, « ‹Ninke wo'munku horontanni ba'noommo. Maganu baattonke adhe, hajajantannokkirira beehino› yitanni wi'lishshitanno» yaanno.

⁵Baatto galagalte Kaaliiqi gosara aamantanno yannara ki'nera beehachu dihee'ranno'ne.

⁶Israeelete mannino, «Ninke aana himana coyidhooti; kuni coyi wo'munku iillannonsa yitanni dudubbooti; togoo shollinyi horonta diamadannonke.

⁷Israeelete gosa rumantinore labbuhe? Maganuno cincannokkiha lawihe? Togoo coye isi assannoni? Woyyino looso loossannori baalunkura Kaaliiqi dancha coye diassannonsa?» yii.

⁸Kaaliiqi kayinni, «Manni'ya aana diina ikkitine ka'inoonni; horontanni olu dino yee giddo'neenni hige sa"anni nooha afibbeelo manna mulqidhinoonni.

⁹Manni'ya giddo hee'ranno meentono woyyaabbino jiro mininsate aaninni baddine shorritinoonninsa; oosonsano hegere geeshsha ane maassowiinni badantanno gede assitinoonni.

¹⁰Ka'e hadhe; kuni bayichi cubbi'nenni kainohunni battaawe bainohura kunni ka'a kawiicho keerunni hee'ra didandiitinanni.

¹¹«Tini gosa, ‹Woyinete xajje agonna woleno dimbisanno ago afi'ratenni duubbinanni› yaanni beebba coyi'ranni doganno himanaancho baxxanno.

¹²«Ki'ne baotenni gattinoonniri Israeelete manna! Ge'reewu allaaletewiinni hige goo'raana eannohu gede, ani wo'manka mittowa gamba asseemmo'ne. Ge'reewu wo'mino qanchi gede, baatto'nerano mannu wo'manno gede asseemmo» yaanno.

¹³Maganu mannasi qafadotenni fushshara hala'lado doogo fanannonsa. Qafadante noo katami cufanano hiiqqite keerunni fultanno. Kaaliiqi umisi mootensa ikke albansaanni ha'ranni massagannonsa.