Read Sidama_Qullaawa _Maxaafa ZAKKAARIYAASI 11 Bible Online

ZAKKAARIYAASI 11 - Sidama_Qullaawa _Maxaafa bible

ZAKKAARIYAASI 11

¹Libaanoosi! Giira daguwakki ittanno gede, waalchuwakki fani.

²Daguwu uwino daafira, ki'ne hoomme, «Woo!» yitinanni wi'le. Xirchaame haqqe duuchanti ba'ino; wo'me noo dubbi dolamino daafira, Baasaani qilxooti, «Woo!» yitinanni wi'le.

³Shaqqadu saada hosiisidhanno dargi co'o yee bainohura, allaalaasine, «Woo!» yite wi'litanno. Yordaanoosi Laga doyisse noo dubbi baino daafira, doobbiyu ittananna macciishshe.

⁴Kaaliiqi Magani'ya, «Hanni umokki ge'reewo gorrara haa're ha'ranno allaalaanchi gedeeha assi.

⁵Hidhino manni ge'reewo gorri'riro, qorichishannonsahu dino; hiri mannino, ‹Duroonsinonkehu Kaaliiqi galatamo› yaanno; uminsa allaalaasine nafa dimarartannonsa» yiinoe.

⁶Kaaliiqi, «Anino kunni ka'a baattote aana hee'rannoha ayeno dimarereemmo; ani umi'ya mitto mittonka olliichisiranna gashshaanchisira sayise eemmo; insa gobba gadadissanno; anino angansanni digatiseemmonsa» yaanno.

⁷Ge'reewo hirtannoriranna hidhitannorira kiranya ikke gorrinara worroonni ge'reewo allaaleemmoha ikkoommo; 2 siqqo fushshi're, mitte, «Elto» yee, layinkita, «Mittimma» yee su'mise, ge'reewo seekke allaaloommo.

⁸Woloota 3 allaalaasine, mittu agani giddo allaala agurtanno gede assoommo. Ge'reewuno giwinoe; anino dihagiidhoommonsa.

⁹Hakkunni gedensaanni ge'reewono, «Ani kunni ka'a allaalaancho'ne di"ikkeemmo; reyannohu reyo; ba"annohu bao; gattinorino mimmitonsa guddo.»

¹⁰Qoleno, «Elto» yinanni siqqo'ya haa're hiiqqummo; konne assa'yanni, Israeelete gosa ledo eoommo gondooro diigoommota leellisheemmo.

¹¹Kunni garinni, gondooru hakko barranni diigami; konne asseemmo woyite, ge'reewo hirtanninna hidhitanni noori ane widira higge la'anni, Kaaliiqi ani assoommori widoonni qole coyi'rinota affu.

¹²Anino, «Baxxiniro daafuri'ya waaga uuyye"e; gibbiniro agurre» yuummonsa; insa kayinni daafuri'yara 30 kinchu birra uyitue.

¹³Kaaliiqino, hakkonne ikkinosi yite uyitinoe woxe, «Qullaawu Mini uduunne worranni saaxine giddo tugi» yiie. Anino, ikkinosi yite uyitino birra masse Qullaawu Mini uduunne maanxanni saaxinera worummo.

¹⁴Hakkunni gedensaanni, «Mittimma» yinannita layinki siqqo haa're hiiqqummo; hatto assa'yanni Yihudunna Israeelete mereero noo mittimma diigummo.

¹⁵Qoleno Kaaliiqi anera, «Xa atenee tidhinokki allaalaanchi gede assi;

¹⁶kuneeti gobbate ge'reewo'ya agarannoha mitto allaalaancho kayiseemmo; ikkollana kayinni, isi gawajjantinore ditowatanno; ba'inore dihasanno; hiiqqantinore disissanno; keere noore ditowatanno; towata agure misinoha gorre itanno; culunqansano cancananno.

¹⁷«Ge'reewo towatannokkihura tidhinokki allaalaanchira aanne'e! Bise cigilesinna qiniiticho illesi qasso! Cigilesi co'o yite laanshaabbo! Qiniiticho illesino co'o yite ballito!» yiie.