Read Sidama_Qullaawa _Maxaafa ZAKKAARIYAASI 4 Bible Online

ZAKKAARIYAASI 4 - Sidama_Qullaawa _Maxaafa bible

ZAKKAARIYAASI 4

¹Ledo'ya hasaawanni noo sokkaasinchi galagale daye, goxino mancho kayinsannihu gede asse shafe,

²«Maricho la'anni nootto?» yee xa'mie. Anino, «Lamala caabbiyye nooha mitto culkunni seekkinoonniha caabbicho worranni uduunnicho la"anni noommo. Aanasi zayitete gambayichi no; lamalunku caabbichira heqichu noonsa.

³Hakkunni uduunnichi mule guraanninna qiniiteenni 2 ejedhete haqqe no» yuummosi.

⁴Hasaawisanni nooe sokkaasincho, «Mooticha'ya ballo, kuri maati?» yee xa'mummo.

⁵Isino, «Kuri maatiro diafootto?» yiie. Anino, «Mooticha'ya ballo, diafoommo» yuummosi.

⁶Hakkunni gedensaanni sokkaasinchu, «Tini Kaaliiqi Zerubaabeelira soyino sokkaati: Olantote Mootichi Kaaliiqi, ‹Qinaannohehu, Ayyaani'yanniiti ikkinnina, wolqakkinninna jawaantekkinni di"ikkino› yaanno.

⁷Zerubaabeeli! Kuni albakkiinni noo ilaali maati? Taalo xawo ikke gatanno; atino Qullaawa Mine galagalchite minatto; Mine tantanatto woyite mannu, ‹Hiittoo xumaati!› yaanni cancanno» yiie.

⁸Ledeno Kaaliiqi,

⁹«Qullaawa Mine Zerubaabeeli safino; mine gudannohuno isooti. Kuni ikkanno woyite, mannu ate soommohu ane ikkoommota afanno.

¹⁰Xa loonsoonniri shiima ikkino daafira mannu dihagiidhino; ikkirono, Zerubaabeeli mina uurrisannokkita affuro hagiidhitanno» yiie. Sokkaasinchuno, «Lamala caabbiyye gobba baala la'annoti Kaaliiqi illeeti» yii.

¹¹Qoleno sokkaasincho, «Tini caabbiyyete uduunnichira guraanna qiniiteenni nooti lamenti ejersu haqqe mayinnite?

¹²Qoleno, ejersu zayite giddoonni higge lolakkanno boombiicho 2 culkunnitera qoteho nooti 2 ejersu sinna mayinnite?» yee xa'mummo.

¹³Isino, «Kuri maatiro diafootto?» yiie. Anino, «Mooticha'ya, diafoommo» yoommo.

¹⁴Isino, «Kuni lamunku manni, baatto baalate Mootichi Kaaliiqi soqqantasira buurinoreeti» yii.