Read Sidama_Qullaawa _Maxaafa MILKIYAASI 4 Bible Online

MILKIYAASI 4 - Sidama_Qullaawa _Maxaafa bible

MILKIYAASI 4

¹Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

²Hajajantinannierira ki'nera kayinni gatote arrishsho fultanno'ne; qolteno hursitanno'ne. Ki'neno fafisidhine usurunni tirroonni siitti gede ikkitine burraaqqinanni.

³Ani looseemmo barra bushuulle baattote aana kakkaddinanni; insano lekka'nera woroonni buluulu gede ikkite gattanno.

⁴«Siina Ilaali aana soqqamaanchi'ya Muse widoonni qole Israeelete manni baalaho oommo seera, woganna wodho qaagge.

⁵«Kune jawunna waajjishannohu yoo'ya barri daara albaanni himanaancho Eeliyaasi ki'newa soyemmo'ne.

⁶Isi ani daye baatto'ne huneemmokki gede annuwate wodana oosote widira, oosote wodana annuwate widira qolanno» yii.