Read Sidama_Qullaawa _Maxaafa MAARQOOSI 1 Bible Online

MAARQOOSI 1 - Sidama_Qullaawa _Maxaafa bible

MAARQOOSI 1

¹Maganu Beetti[1] Yesuusi Kiristoosihu Danchu Duduwi hanafo kunninni aante noote.

²Himanaanchu Isayaasi, «Kuneeti atera alba asse, doogokki qixxeessannoha, sokkaancho'ya soyemmo.

³Mittu manchi halalla qoonqosi naggi asse, ‹Mootichu doogo qixxeesse; ha'nanni doogono taashshe!› yaanni lallawanno» yee borreessino.

⁴Kunni garinni Cuuaanchu Yohaannisi,[2] «Cubbi'ne aguramanno'ne gede aagintaabbine higgine cuuamme!» yee lallawanni halalla leelli.

⁵Yihudu gobbahunna Yerusaalamete Katami manni baalu Yohaannisiwa daye cubbonsa ifaaxxanna Yohaannisi Yordaanoosi Wayira cuuinsa.

⁶Yohaannisi uddi'rino uddano gaalu ordanni gannoonnite; hallo sunchunni qodhino. Sagalesi kanchafarehonna godu malawooti.

⁷Isi mannaho, «Koattesi suncho heeshshi yee tira dandeemmokkihu ane gedensaanni daanno. Isi ane rooreho.

⁸Ani ki'ne wayinni cuueemmo'ne; isi kayinni Qullaawu Ayyaaninni cuuanno'ne» yee kulinsa.

⁹Hatte yannara Yesuusi Galiilu gobbanni Naaziretete Kataminni kae dayenna Yohaannisi Yordaanoosi Wayira cuuisi.

¹⁰Yesuusi wayi giddonni fulanni hee'reenna, gordu fa'nameenna iiminni Maganu Ayyaani lembooli daninni daye aanasi dirranna afi.

¹¹Hakko mereero, «Hagiirsiisattoehu baxeemmo Beetti'ya ateeti» yitanno huuro gordunni daggu.

¹²Hakkawoyintenni Qullaawu Ayyaani Yesuusi halalli gobba fule ha'ranno gede assisi.

¹³Hakko halalli gobbara, Sheexaanu jifannasi shoyilloo baara keeshshi. Moyichu ledo hee'ranna sokkaasine dagge soqqantusi.

¹⁴Yohaannisi amadame usuru minira eihu gedensaanni, Yesuusi Maganunniha Dancha Duduwo kulanni Galiilu gobba daye,

¹⁵«Yanna iillitino; Maganu Gashshooti gambisino; cubbo'ne aagintaabbine higgine Dancha Duduwo ammanne!» yii.

¹⁶Mitto barra Yesuusi Galiilu Baari muleenni sa"anni hee're, qulxu'me woshshaaxxitannore Simiooninna rodoosi Indiriyaasi afi. Insano qulxu'me amadate woshshaadonsa baaru giddo tugganni no.

¹⁷Yesuusi, «Ane hoode amme! Ani manna woshshaaddinannire asseemmo'nena» yiinsa.

¹⁸Insano hakkawoyintenni woshshaadonsa agurte hoodesi hadhu.

¹⁹Hakkiinni shiimare sae lame roduuwa afi. Insa Zebidewoosi ooso Yaiqoobiitinna Yohaannisiiti. Insano yowolote aana heedhe woshshaadonsa biddi assidhanni no.

²⁰Yesuusi hakkawoyintenni woshsheennansa, annansa Zebidewoosi wolu kiranyootu ledo yowolote giddo agurte Yesuusi hoode hadhu.

²¹Hakkiinnino ka'e Qifirinahoomi yinanni katama iillitu. Fooliishshote Barri eanni hee'reennanni, Yesuusi Ayihude xaaddanno minira e"e rosiisa hanafi.

²²Yesuusi rosiisinsa woyite, Muse Seeri rosiisaano gede ikkikkinni gashshaanchu gede ikke rosiisinonsa daafira, macciishshituri rosiisino gara dhaggeeffattu.

²³Bushu ayyaani amadino manchi,

²⁴«Naaziretete Yesuusa, ninke ledo atera mayi noohe? Hunattonkera dayitto? Ati ayetiro afoommohe. Ati Maganu Qullaawaati» yee raari.

²⁵Yesuusi busha ayyaana, «Sammi yite manchuwiinni fuli!» yee rufi.

²⁶Bushu ayyaani mancho fittifachiishe lowo geeshsha raaranni isiwiinni fuli.

²⁷Hakko noo manni baalu dhagge assi're, «Kuni magaraati? Kuni haaru rosi maati? Busha ayyaana roorretenni hajajanno; insano hajajantannosi» yitanni insa insanaawa hasaabbu.

²⁸Hakkawoyintenni Yesuusi duduwi Galiilu gobba baala iilli.

²⁹Yesuusi Yaiqoobinna Yohaannisi ledo xaadu mininni fulanni hee'renni, Simiooninna Indiriyaasi minira ha'ri.

³⁰Hakko mine Simiooni ballo iibbabbite goxxe no. Dhiwante noota hakkawoyintenni Yesuusira kultusi.

³¹Yesuusi isewa shiqqi yee anga amade gotti assise. Iseno hurte, sagale wortunsa.

³²Arrishsho e'eenna hashshita, dhiwantinorenna durriisu ganinore baala haadhe Yesuusiwa abbitu.

³³Katamu manni baalu nafara gamba yii.

³⁴Yesuusi hakkiicho addi addi dhibba afi'rinoha lowo manna hursi. Batinye durriisano fushshi. Durriisuno isi ewelumma egennino; kunnira, Yesuusi durriisa coyi'rannokki gede hooli.

³⁵Soodara rahe hee'reenna Yesuusi gute kae, kashshi yaannori nookkiwa mare huuccatto assi'ri.

³⁶Simiooninna ledosi noori iso hassara fultu.

³⁷Iso affuhu gedensaanni, «Mannu baalu hasi'ranni noohe» yitu.

³⁸Yesuusi kayinni, «Ani Dancha Duduwo lallawate dayommo daafira, lallaweemmo gede konne noo qachuwa ha'no» yiinsa.

³⁹Hakkunni gedensaanni, kae xaandanni minnara mare rosiisanninna durriissa fushshanni Galiilu gobba baala tuqi.

⁴⁰Taraawannohu gogu dhibbi noosihu mittu manchi Yesuusiwa daye albasiinni guluphe, «Baxittoero hursattoera dandaatto» yaanni huucci'risi.

⁴¹Yesuusino marare angasinni amammade, «Baxoommohena huri!» yiisi.

⁴²Manchuno hakkawoyintenni taraawannohu gogu dhibbinni huri.

⁴³Yesuusi mancho, «Konne coye hattono ikkite mannaho kultooti; qorophi! Huroottota kayinni marte qeesichaho leellishi. Huroottota anfanni gede, Muse hajajinota keeraa'mate kakkalo Maganoho shiqishi» yee hakkawoyintenni ha'ranno gede assisi.

⁴⁵Manchu kayinni hakkiinni kae ha'ranni hee'renni, manna baalaho duduwi. Kunnira, Yesuusi mannu afanna katama ea dandiinokki daafira, katamaho gobbaanni halalla keeshshino. Mannu kayinni addi addi gobbanni isiwa daa diagurino.