Read Sidama_Qullaawa _Maxaafa LUQAASI 16 Bible Online

LUQAASI 16 - Sidama_Qullaawa _Maxaafa bible

LUQAASI 16

¹Yesuusi qole rosaanosira, «Jajja towatannosiha afi'rinohu mittu dureessu manchi no. Hakku towatara wodhino manchi jajjasi billaallisanni noota kullisi.

²Dureessu manchi jajjasi towatannoha woshshe, ‹Ate mayinanna macciishshummo? Kunni ka'a jajja'ya towata didandaattona, angakki noo jajji kiiro kulie!› yiisi.

³«Jajjasi towatannohuno wodanisinni, ‹Mootichi'ya loosu aaninni hunaeraati. Hanni ma asso? Baatto loosammora wolqa dinoe. Huucci'rammorano saalaho.

⁴Xa asseemmore afoommo; looso agursiisannoe woyite, mininsara haadhannoe jaalla kalaqi'reemmo› yee hedi.

⁵«Hakkunni gedensaanni mootichisi asali noonsare mittu mittunni woshshe, umo ikke dayinoha, ‹Mootichi'yara aattohu mageeshshi asali noohe?› yee xa'mi.

⁶«Isino, ‹Mittu xibbi gambayichi zayite nooe› yii. «Jajja towatannohu qole, ‹Hii"i taje haadhe, rakke ofolte: 50 gambayicho yite borreessi!› yiisi.

⁷Layinkihano woshshe, ‹Atera mageeshshi asali noohe?› yee xa'mi. «Hakkuno, ‹Mittu xibbi ogori qamadete asali nooe› yee qoli. «Jajja towatannohu qole, ‹Hii"i taje haadhe: 80 ogoro yite borreessi!› yiisi.

⁸Mootichuno konne ammanaminokki loosiisaancho egennosinni assinorira naadisi. Tenne gobba manni ilamansara xawaabbu manninni roore egennaammaho.

⁹Kuleemmo'nena, bunshete woxinni jaalla kalaqidhe; hatto assitiniro woxi'ne goofeenna mulla anganni gattinanni yannara, jaalla'ne haadhe geedote mine wortanno'ne.

¹⁰Shiimu coyira ammanamino manchi lowo coyira ammanamanno. Shiimu coyira ammanaminokkihu lowo coyirano diammanamanno.

¹¹Hatto ikkina, tenne gobba jirora ammanama hoogginiro, halaalaancho jiro ayi ammane aanno'ne?

¹²Qoleno wolu manni woxira ammannannikkire ikkitiniro, ki'nera ikkitanno jiro ayi aanno'ne?

¹³«Mittu manchi lamu mootichira soqqama didandaanno. Woy mitto giwe, wole baxanno; woy mitto ayirrise, wole mishanno. Hattonni Maganohonna woxeho soqqama didandiitinanni» yii.

¹⁴Farisootu woxe baxxannore ikkitino daafira, Yesuusi coyi'rinore baala macciishshite arrassitusi.

¹⁵Yesuusi kayinni, «Ki'ne umo'ne mannu albaanni keeraano lawissinanni; Maganu kayinni wodana'ne afino. Mannu albaanni ayirrado lawannohu Maganu albaanni shalaminoho» yii.

¹⁶Yesuusi lede coyi'ranni, «Seerunna himanaanote maxaaffa Cuuaanchu Yohaannisi geeshsha kulantanni keeshshitino. Kunni ka'a kullannihu Danchu Duduwi Maganu Gashshootire kulanno. Mittu mittunku Maganu Gashshoote eate lowo geeshsha jawaato.

¹⁷Ikkollana, Seeru giddonni mitturichi xeantenni gordunna baatto sa'uro woyyate.

¹⁸«Aye manchino galtesi agure wole adhiro foorinoho. Hattonni ayiddaannase agurte hadhinota adhannohuno foorinoho» yii.

¹⁹Yesuusi qole, «Duume xiillittenna waajjo shaalado uddano uddi'rannohu mittu dureessu manchi no. Isi wo'manka woyite qineennasi qawaaxxi're hee'ranno.

²⁰Kunni dureessi waalchira mittu biso baala madi're goofinohu Aliaazaari yinanni buxichi goxe no.

²¹Kuni buxichi dureessu ite duuweenna gatanno giggilo yoranno. Woshshuno daye madasi laaxanno.

²²«Hakkunni gedensaanni buxichu reenna sokkaasine haadhe massite Abirihaami mule wortusi. Dureessano reenna madaarri.

²³Jeennaatu giddo hee're fooggalanni, ale hige la"anno woyite Abirihaaminna mulesi ofolle nooha Aliaazaari afi.

²⁴Qoonqosi naggi asse, ‹Anna'ya Abirihaami! Eeggatena mararie; konniicho giirate buwani giddo fooggalanni noommona, qubbichisinni waa kise arrawo'ya qiissannoe gede Aliaazaari soyie› yiisi.

²⁵«Abirihaami qole, ‹Beetto'ya, ati uullate aana hee'ritto diro baala hagiidhitanni hee'roottota qaagi. Aliaazaari kayinni qarru giddo hee'rino. Xa kayinni isi hagiidhanna ati qarramatto.

²⁶Hakkiinni sairo, ki'nenna ninke mereero lowo booni no. Kunnira ninkewiinni ki'newa, ki'newiinni ninkewa sa"a dandaannohu ayino dino› yii.

²⁷Dureessu manchi, ‹Anna! Hatto ikkiro, Aliaazaari anni'ya minira soyattoe gede huucci'reemmohe.

²⁸Hakkiicho ontu roduuwi nooena, insano dagge kunni qarri giddora e'annokki gede farci'ronsana› yii.

²⁹«Abirihaami qole, ‹Insara Musenna himanaano noonsana, insa yitannore macciishshitona› yiisi.

³⁰Dureessu manchino, ‹Abirihaami anna'ya, hakku callu di"ikkanno; reyinohu kae mare kulinsaro, gaabbite aagintaabbanno› yii.

³¹«Abirihaamino, ‹Musenna himanaano yitannota macciishsha gibburo, mittu manchi reyotenni kaeenna nafa diammantanno› » yiisi.