Read Sidama_Qullaawa _Maxaafa LUQAASI 3 Bible Online

LUQAASI 3 - Sidama_Qullaawa _Maxaafa bible

LUQAASI 3

¹Roomunnihu jawu moote Xiberiyoosi moohihunni tonaa ontikki diro Phenxenichu Philaaxoosi Yihudu gobba gashshe no. Heeroodisi Galiilu gobba gashshaanchooti; rodiisi Filiphoosino Ixuriyunna Xirakondoosi gashshaanchooti. Lisaaniyoosi qole Abileene gobba gashshe no.

²Hannanna Qeyaafa qeesootu roorroota ikkite noo yannara, Zakkaariyaasi beetti Yohaannisi halalla hee'reenna Maganu qaali isiwa dayi.

³Yohaannisi Yordaanoosi wayi qaccera noo gobba baala gaangaawanni, «Cubbo'ne agurranni'ne gede aagintaabbine cuuamme!» yaanni lallawi.

⁴Kuni ikkinohuno, himanaanchu Isayaasi Yohaannisi daafira balaxe, «‹Mootichu doogo qixxeesse; doogosi taashshe!

⁵Xeichu baalu wo'mo; ilaallanna gaarra diigante taalo uulla ikkito. Shokkitino doogono subbo; boono fultino doogono taalo ikkito.

⁶Mannu baalu Maganu gatisaanchimma afanno› yaanni halalla raaranno manchi huurooti» yee coyi'rino garinniiti.

⁷Lowo manni cuuamara Yohaannisiwa dayita, «Ki'ne buutete ooso, daannohu Maganu hanqinni gattinanni gede ayi kuli'ne?

⁸Xaate aagintaawa'ne leellishanno looso loosse ikkinnina, ninke Abirihaami sirchooti yitinanni wodani'nenni boo'nitinoonte. Maganu tenne kinna giddonni Abirihaamira ila kayisa dandaannota kuleemmo'ne.

⁹Xa meesane haqqete rumushshi hunda no. Kunnira, dancha guma laalannokki haqqa baala karre giirate tunganni» yiinsa.

¹⁰Mannuno, «Xa ma"assinoyya?» yee Yohaannisi xa'mi.

¹¹Isi qole, «Lame uddano afi'rinohu, mitte hooginohura oo. Sagale afi'rinohuno hooginohura beehona» yiinsa.

¹²Qaraxaasineno cuuantara isiwa dagge, «Rosiisaancho, ninke ma"assinoyya?» yite xa'mitusi.

¹³Isino, «Seerunni hajanjoonniha sa'ine adhitinoonte» yiinsa.

¹⁴Gama gaaddono dagge, «Ninke ma"assinoyya?» yite xa'mitusi. Isino, «Manni woxe wolqatenni adhitinoonte; ayeno kaphunni yekkeertinoonte; hunkii'ne waagi ikko'ne» yiinsa.

¹⁵Hatte yannara mannu baalu Kiristoosi daa hexxotenni agadhe no; kunnira Yohaannisi, «Kuni manchi Kiristoosaati ikka?» yee hedi.

¹⁶Yohaannisi baalunkura, «Ani wayinni cuueemmo'ne; ikkollana wolu ane rooru daanno; ani koattesi suncho nafa tira didandeemmo. Isi Qullaawu Ayyaaninninna giiratenni cuuanno'ne.

¹⁷Isi ayiddummete aana noo gide woowansinanni woowancho anga adhe no. Kura badihu gedensaanni dancha gide qaldaho woranno; kura kayinni xo'annokki giira giddo tuganno» yiinsa.

¹⁸Yohaannisino manna addi addi garinni seejjanni Dancha Duduwo kuli.

¹⁹Galiilu gashshaanchi Heeroodisi kayinni rodiisi Filiphoosi galte Heeroodiyaada adhinohuranna woleno addi addiha busha coye assino daafira rufinosi.

²⁰Heeroodisi bunshete aana bunshe ledanni, Yohaannisino usursiisi.

²¹Mannu baalu cuuamihu gedensaanni Yesuusino cuuami. Isi huucci'ranni hee'reenna gordu fa'nami.

²²Qullaawu Ayyaani lembooli daninni aanasi dirri. Hatte yannara, «Baxeemmohu Beetti'ya ateeti; Ani atenni hagiidheemmo» yitanno huuro gordunni daggu.

²³Yesuusi rosiisa hanafi yannara dirisi sajjooho. Mannu Yesuusa Yooseefiho yee hedanno. Yooseefi Eeliho,

²⁴Eeli Maatiho, Maati Leewiho, Leewi Milkiho, Milki Yoonaho, Yoona Yooseefiho,

²⁵Yooseefi Mataatiyuho, Mataatiyu Amootsiho, Amootsi Naahoomiho, Naahoomi Esliimiho, Esliimi Naageho,

²⁶Naage Ma"aatiho, Ma"aati Mataatiyuho, Mataatiyu Semeeyiho, Semeeyi Yooseefiho, Yooseefi Yoodaho,

²⁷Yooda Yonaaniho, Yonaani Reesiho, Reesi Zerubaabeeliho, Zerubaabeeli Selatiyaaliho, Selatiyaali Neeriho,

²⁸Neeri Milkiho, Milki Haadiho, Haadi Qosaamiho, Qosaami Elmodaamiho, Elmodaami Eeriho,

²⁹Eeri Yooseiho, Yoosei Elieezeriho, Elieezeri Yoraamiho, Yoraami Maaxaatiho, Maaxaati Leewiho,

³⁰Leewi Simiooniho, Simiooni Yihudiho, Yihudi Yooseefiho, Yooseefi Yonaaniho, Yonaani Eeliyaaqiimiho,

³¹Eeliyaaqiimi Meeliyaho, Meeliya Mayinaaniho, Mayinaani Maaxaatiho, Maaxaati Naataaniho, Naataani Daawitiho,

³²Daawiti Isseyiho, Isseyi Iyoobeediho, Iyoobeedi Boeeziho, Boeezi Selimooniho, Selimooni Neasooniho,

³³Neasooni Aminaadaabiho, Aminaadaabi Raamiho, Raami Ariiniho, Ariini Hetsirooniho, Hetsirooni Faareesiho, Faareesi Yihudiho,

³⁴Yihudi Yaiqoobiho, Yaiqoobi Yisihaaqiho, Yisihaaqi Abirihaamiho, Abirihaami Taaraho, Taara Naakooriho,

³⁵Naakoori Seruugiho, Seruugi Reuho, Reu Faleeqiho, Faleeqi Ebeeriho, Ebeeri Shelaahiho,

³⁶Shelaahi Qayiniimiho, Qayiniimi Arfakisiidiho, Arfakisiidi Seemiho, Seemi Nohiho, Nohi Laamehiho,

³⁷Laamehi Matusaaliho, Matusaali Heenookiho, Heenooki Yaareediho, Yaareedi Melaalieeliho, Melaalieeli Qayinaaniho,

³⁸Qayinaani Heenoosiho, Heenoosi Seetiho, Seeti Addaamiho, Addaami Maganunniho.