Read Sidama_Qullaawa _Maxaafa SOQQAMAASINETE LOOSO 19 Bible Online

SOQQAMAASINETE LOOSO 19 - Sidama_Qullaawa _Maxaafa bible

SOQQAMAASINETE LOOSO 19

¹Aphiloosi Qorontoosi hee'reenna, Phaawuloosi aleenni hige Efesooni dayi. Hakkiicho boode ammanaasine afe,

²«Ammantini woyite Qullaawa Ayyaana adhitinoonni?» yee xa'minsa. Insa qolte, «Qullaawu Ayyaani noontanniwe macciishshine diegenninoommo» yitu.

³Phaawuloosino, «Cuuantinihu mayinniitiyya?» yee xa'minsa. Insano, «Yohaannisi cuuamannilla cuuammoommo» yitu.

⁴Phaawuloosi qole, «Yohaannisi cuuama aagintaawannite. Isi mannaho, ‹Ane gedensaanni daannoha Yesuusa ammanne!› yee kulino» yiinsa.

⁵Konne coye macciishshite Mootichu Yesuusi su'minni cuuantu.

⁶Phaawuloosi angasi insa aana worita, Qullaawu Ayyaani dirreenna wolu qaalinni coyidhu. Himanano himantu.

⁷Insa kiiro tonaa lamu manni geeshshaati.

⁸Phaawuloosi xaadu minira e"e, hakkiicho Maganu gashshootire sase agana ruxxi yiikkinni seekke kuli.

⁹Mitu mitu kayinni mokkookkite Mootichu doogo mannu albaanni mishshanni adha gibbeenna insawiinni agure ha'ri. Ammantinore insawiinni bade haa're ha're Xiraanoosi hari giddo barru baala rosiisinsa.

¹⁰Phaawuloosi konne coye lamu diri geeshsha assanni keeshshino. Hatte yannara Issiyaho heedhanno Ayihudootinna daga baala Mootichu qaale macciishshitu.

¹¹Maganu Phaawuloosi widoonni qole dhaggeeffantanni maalale loosi.

¹²Kunnira Phaawuloosi bisi kinso uddanonna maaraabe haadhe dhiwantinori biso kisiissuro nafa mannu dhibbunni huranno; durriisuno fulanno.

¹³Durriisa fushshitanni doyitanno Ayihudooti, «Phaawuloosi kulannohunni Yesuusi su'minni hajanjoommohena fuli!» yitanni Mootichu Yesuusi su'minni durriisa fushshate wo'naaltu.

¹⁴Ayihudennihu qeesootu qari Asiqewati lamala oosono hatto assitanni no.

¹⁵Durriisu kayinni, «Yesuusa egennoommo; Phaawuloosino afoommo; ki'ne kayinni ayeooti?» yiinsa.

¹⁶Durriisu amadinohu mittu manchi insa kubbe amade wolqansara aleenni hige qeeleennansa, mundiitanni mininni mullootu fulte xooqqu.

¹⁷Efesooni heedhanno Ayihudootinna Giriikooti konne coye macciishshite lowo geeshsha waajjitu. Mootichu Yesuusi su'mino lowo geeshsha ayirri.

¹⁸Ammanaasinete giddonni lowo manni xawoho bunshensa kultanni ifaaxxitu.

¹⁹Lowo kiilaano kiilunnita maxaaffansa gamba assite mannu baalu albaanni giirtu. Hatte maxaaffa hirroonni woxi shallangeenna 50,000 kinchu birra ikkino.

²⁰Kunni garinni Mootichu qaali hala'lanninna qeelanni ha'ri.

²¹Kuni ikkihu gedensaanni Phaawuloosi Meqedooniyunna Akayu widoonni hige, Yerusaalame ha'rara wodanisinni murci're kae, «Hakka marummoro Roomano iilleemmo» yii.

²²Kunnira, kaa'litannosire Ximootewoosinna Erasixoosi Meqedooniya soye, isi shiima barra Issiyaho keeshshi.

²³Hatte yannara tenne doogo daafira Efesooni lowo qarri kalaqami.

²⁴Mittichu Demexiroosi yinannihu birra daashshannohura Arxemiisi yinanni magani galmira birrunni misile seekke hiranni, ledosi loossannorira lowo woxe abbanno.

²⁵Kunnira, ledosi loossannorenna woloota hattoore gamba asse, «Ayidde'ya! Affininte gede ninke jiro afi'noommohu, kunni loosinniiti.

²⁶Kuni Phaawuloosi yinanni manchi, ‹Angatenni seekkinoonniri maganna di"ikkitino› yaanni Efesooni calla ikkikkinni, shiima gobba agurranna Issiyu gobba baala tuqise, lowo manna ammanchiishe hunanni noota affinoonni, macciishshitinoonni.

²⁷Kunni garinni ninke looso calla ikkikkinni Issiyahonna gobba baalate egennaminohu Arxemiisi galmi mullare ikke gataraati; Arxemiisi ayirrinyino ba"araati» yii.

²⁸Hakku mannino konne coye macciishshanni hee'renni giirame, «Efesooni Arxemiisi ayirradote» yaanni qeexaa'li.

²⁹Kunni garinni katamaho lowo qarri kalaqami. Meqedooniyunnire lame Phaawuloosi jaalla Gayiyoosinna Arisxirokoosi amadde mannu gamba yaanno hari giddora massitu.

³⁰Phaawuloosi gamba yee noo manniwa marara hasi'ri; ammanaasine kayinni marannota hooltusi.

³¹Issiyu gobbara gashshoote amaddinorinna mitu mitu jaallasi nafa Phaawuloosiwa manna sokke, «Mannu gamba yee noo hariwa madhitooti» yitusi.

³²Gamba yiino manni addi addire coyi'ranni canci; rooru manni isinni mayira gamba yiinoronni diafino.

³³Ayihudootu Alekisaanderi yinanni mancho xixxiibbe albira abbitu. Gamba yiino manni giddonni mitu mitu seekke coyi'ramannonsa gede amaaltu. Isino mannu macciishshanno gede angatenni malaatise hasaawate qixxaawi.

³⁴Ikkollana Alekisaanderi Ayihudicha ikkinota affe, baalunku mitteenni, «Efesooni Arxemiisi ayirradote» yitanni lame saate geeshsha cancitu.

³⁵Hakkunni gedensaanni katamunnihu qaru borreessaanchi manna sammi yaanno gede asse, «Efesooni manna, ayirrado Arxemiisi magano galmanna gordunni dirritunketa Arxemiisi misile agartinannita gobba baala egentino.

³⁶Kuni coyi halaale ikkinota affinoonnina, muddantine mittoreno assitinoontena sammi yiiyye!

³⁷Galma saantinokkirenna maganonke xontinokkire haadhine kawa abbitinoonni.

³⁸Dimexiroosinna ledosi birra daashshitannori sao assino yitu manchi nooro, yoo yinannihu barru no; gashshaanono noona, marte hakkiicho coyi'ranto.

³⁹Wolu hakkiinni saino coyi nooro, seeru songo affannona.

⁴⁰Hakkunni ka'a kayinni, ‹Canco kayissino› yineenna xa'mammeemmo. ‹Kuni canci mayira kaino› yine xa'mineenna haa'ne qolleemmori dino» yii.

⁴¹Hatto yee, songino manna ha'ranno gede assi.