Read Sidama_Qullaawa _Maxaafa SOQQAMAASINETE LOOSO 24 Bible Online

SOQQAMAASINETE LOOSO 24 - Sidama_Qullaawa _Maxaafa bible

SOQQAMAASINETE LOOSO 24

¹Ontu barri gedensaanni qeesootu roorrichi Hanaaniya cimeeyyete ledonna Xerxeluusi yinanni xawaqi ledo Qiisaariya ha'ri. Insano gobba gashshinohuwa Filikisiwa marte Phaawuloosi bushiishshu.

²Phaawuloosi woshshineenna shiqita Xerxeluusi, «Ayirrado Filikisi, ate widoonni lowo keere afi'noommo. Ate gashshootinni manninkera lowo coyi woyyino.

³Ayirrado Filikisi, konne dancha loosokki wo'mante yannara wo'manka darga lowo galatinni adhinanni hee'noommo.

⁴Xa kayinni daafursummohekkinni ku'leemmohere macciishshattoera huucci'reemmo.

⁵Kuni manchi ninkera dhibba ikkinonke. Gobba baalate noo Ayihudootira qarra kalaqino. Naaziraanote yinanni so'risiisaanora sooreessaho.

⁶Qullaawa Mine batteessara yorinoha anfe amandoommo. Seerinke garinni yoo yinammora hendoommo.

⁷Olantote hajajaanchi Lusiyoosi wolqatenni angankenni fushshe haa're, atewa dange coyi'rammeemmo gede hajajino.

⁸Kuni ku'linummo coyi halaale ikkinota qorittoro afatto» yii.

⁹Ayihudootuno, «Kuni halaaleho» yite afo xaaddu.

¹⁰Gobba gashshinohu Filikisino, Phaawuloosi coyi'ranno gede angatenni malaatise kulisi. Phaawuloosino, «Lowo dirinni kayisse tenne gosa gashshitanni dayottoha ikkoottota afoommohura, gargarooshshu coye ate albaanni coyi'rate kaayyo afi'ra'yara lowo geeshsha hagiidhoommo.

¹¹Magansi'rate Yerusaalame ha'rummonku tonaa lamu barrinni sainokkita atinni buuxa dandaatto.

¹²Qullaawa Mineno ikko xaadu mine woy katamaho mannu ledo coyi'ramanna woy canco kayisanna diaffinoe.

¹³Xa ane bushiishansara mitte tajeno shiqishshe diaffanno.

¹⁴Ikkollana insa, ‹So'rote› yitanno doogo aana hee're, annuwanke Magano magansi'reemmo; Seerunna himanaanote borro giddo borreessinoonnire baala ammaneemmo.

¹⁵Anino insante gede Maganu cubbaataammanna keeraano reyotenni kayisanno hexxo afi'roommoho.

¹⁶Kunnira mannunna Maganu albaanni wo'manka woyite dancha hedo heedhannoe gede jaateemmo.

¹⁷«Yerusaalametenni fule keeshshoommohu, xa kune roduuwaho kaa'lo ikkanno woxenna Maganoho uyinanni fushshaate haa're dayommo.

¹⁸Qullaawa Mine affinoehu konne coye assannaati. Hatte yannara keeraa'mate woga wo'me noommo. Ane ledono mannu dino; anino canco dikayisoommo.

¹⁹Issiyu gobbanni daggino Ayihudooti kayinni hakkiicho no. Ane aana ku'litannore afidhuro, dagge ate albaanni ku'lito.

²⁰Songote albaanni uurrummo woyiteno sayisoommori hee'riro kuni manni coyi'ro.

²¹Mereeronsa uurre qoonqo'ya naggi asse, ‹Reyitinori ka'anno yoommo daafira techo kuneeti yoote albi'nera shiqoommo› yee coyi'roommota agurranna, woliri assoommori dino» yii.

²²Filikisi kayinni Mootichu doogo seekke afinoha ikkinohura, «Olantote hajajaanchi Lusiyoosi dayiro duuchanta assineemmona, xa mini'nera hadhe!» yiinsa.

²³Filikisi xibbu olanto hajajaancho woshshe, «Phaawuloosi lowo geeshsha qarrissootisina, kayinni seekkite agari! Jaallasi mitore abbitusiro hooltooti» yii.

²⁴Shiimu barri gedensaanni Filikisi Ayihuditte galtesi Dirusiila ledo kae dayi; Phaawuloosi woshshiishe Yesuusa Kiristoosa ammanate daafira kulannasi macciishshi.

²⁵Phaawuloosi keeraanchimmannire, umo qee'linannirenna dagganno yoore kulanna macciishshe waajji. Kunnira, «Xa ikkinona ha'ri; injiiero wole woyite woshsheemmohe» yii.

²⁶Filikisi, Phaawuloosi woxe itisara hasi'rino. Kunni daafira wo'ma woyite Phaawuloosi woshshe hasaawisanno.

²⁷Lamu diri gedensaanni Phorqiyoosi Fisxoosi yinannihu Filikisi darga amadi. Filikisi Ayihudoota hagiirsiisara yee Phaawuloosi usuru mine keeshshiishi.